జాతి ద్రోహులూ……. - 6

……..అజమాయిషీ లో ఉన్న పత్రికలూ!

(వాళ్లకి అదే పని! …….తాము ఎంత మూర్ఖంగా విమర్శిస్తున్నారో ఆలోచించరు. ప్రజలేమనుకుంటున్నారో పట్టించుకోరు. వాళ్లకి కావలసిందల్లా--కొంతమంది మూర్ఖులైనా వాళ్లు వ్రాసినవి నమ్మకపోతారా, మరింత ప్రచారం చెయ్యకపోతారా…....అన్న వాళ్ల ఆశ ఒక్కటే!)

గొప్ప ఆర్థిక వేత్తా, సంస్కరణలకి అద్యుడూ, మౌన ముని అంటూ పొగిడించుకున్న మాజీ ప్రథాని, నోట్ల రద్దు విషయం లో "వ్యస్థీకృత దోపిడీ" లాంటి మాటలు మాట్లాడడం తో సగం గౌరవం పోగొట్టుకున్నాడు!

ఇప్పుడు, పూర్తిగా పోగొట్టుకోడానికి, "అక్కడ గుజరాత్ ఎన్నికలగురించి మాట్లాడలేదు" అంటున్నాడు!

తాడి చెట్టు క్రింద కూర్చోవడం ఎందుకు? పాలో, ఇంకేవో త్రాగడం ఎందుకు? అదీ, కల్లు త్రాగేవాళ్ల సమక్షం లో  చేయడం ఎందుకు?

ఒక మాజీ ప్రథానిగా నీకు కొన్ని నియమాలు ఉన్నాయి. కొన్ని బాధ్యతలు ఉన్నాయి.

అధికారికంగా మనదేశానికి వచ్చిన పాకీ అధికారులతో (వాళ్లు అధికారికంగా కాకుండా వస్తే, వాళ్ల తోలు తీస్తుంది వాళ్ల ప్రభుత్వం!) మంతనాలు ఎందుకు చెయ్యవలసి వచ్చింది? అదీ, ప్రొటోకాల్ పాటించకుండా, మన ప్రభుత్వానికి తెలియజేయకుండా? మాజీ రాష్ట్రపతీ, మాజీ సైనిక, దౌత్య అధికారులూ వగైరాలకి పాకిస్థాన్‌ వాళ్లతో "డిన్నర్" ఇవ్వవలసిన అగత్యం మణిశంకర్ కి ఏమి పట్టింది? (నిజానికి వాడికి దేశ బహిష్కరణ విధించాలి.)

ఒక పాకీ మాజీ సైనికాధికారి, "గుజరాత్ లో అహ్మద్ పటేల్ ని ముఖ్యమంత్రిని చేయండి" అని గొరిగించుకోవడం నిజం కాదా? ఇప్పుడు పాకీ వాళ్లు, "మమ్మల్ని మీ ఎన్నికల రాజకీయాల్లోకి లాగకండి" అనడం ఏమిటి?

ఇంకా ఎంతకని దిగజారుతార్రా…….కాంగీ మూర్ఖులూ!

మాజీ ప్రథాని, మీ కానిపనులకి ముందు పెట్టుకోడానికి, చేటపెయ్యలా కూడా పనికి రాడురా…...వదిలెయ్యండి పాపం!

 (మరింత మరోసారి)

జాతి ద్రోహులూ...... - 5

......అజమాయిషీ లో ఉన్న పత్రికలూ!

(వాళ్లకి అదే పని! ﾅﾅ.తాము ఎంత మూర్ఖంగా విమర్శిస్తున్నారో ఆలోచించరు. ప్రజలేమనుకుంటున్నారో పట్టించుకోరు. వాళ్లకి కావలసిందల్లాﾅﾅకొంతమంది మూర్ఖులైనా వాళ్లు వ్రాసినవి నమ్మకపోతారా, మరింత ప్రచారం చెయ్యకపోతారాﾅ..అన్న వాళ్ల ఆశ ఒక్కటే!)

గుజరాత్ ఎలెక్షన్లు రేపు (0 9- 1 2- 1 7) మొదలు కాబోతున్నాయి.

ఈ మీడియా వాళ్లు-మోడీ కి వ్యతిరేకంగానే కాదుﾅ..కాంగీలకి మద్దతుగా నానా గడ్డీ కరిచారు, నానా చెత్తా వ్రాశారు!

రాజీవ్ గుజరాత్ లోని దేవాలయాలని చుట్టి వస్తుంటే, "అది అవసరమే! (కాంగీలకి) "మైనారిటీల బుజ్జగింపు" అనే మచ్చ తొలగిపోవాలంటే, తానూ హిందువులకి ఇష్టుణ్నే అని నిరూపించుకోవాలి కదా?" అంటారు!

 తీరా, సోమనాధాలయానికి వెళ్తూ, అక్కడి రిగిష్టర్ లో అతను "నాం-హిందూ" అని వ్రాశారని బయటికి వచ్చాక, "అంతులో తప్పేముంది? హిందువా కాదా వ్రాస్తే సరిపోతుంది గానీ, అసలు మతం ఎందుకు వ్రాయాలి?" అని సమర్థించారు!

 నిజంగా అతను "సెక్యులఱ్ అనిపించుకోవడం ఇష్టం లేదుﾅﾅహిందూ వోట్లు పోతాయేమో అని భయం. అలా అని "మత రహితుడు" అని చెప్పుకుంటే, మైనారిటీ వోట్లు పోతాయేమో అని భయం!

 అలా, ఏ మతమూ లేనివాడిగా, అసలు మతం చెప్పుకోలేనివాడిగాﾅﾅ.మిగిలిపోయాడు! అదే గొప్ప అని మోసేశాయి పత్రికలు!

 మరి, ప్రజాస్వామ్యం నడుస్తున్న ప్రపంచ దేశాల్లో అమల్లో ఉన్నది "మెజారిటీ ప్రజాస్వామ్యమ" మాత్రమే కదా? (మొన్న బ్రిటం లో బ్రెగzఇట్ మీద ప్రజాభిప్రాయ సేకరణలో, చాలా కొద్ది మెజారిటీతో మాత్రమే, ఈయూ నుంచి బయటికి వెళ్లాలని తీర్మానించారు!)

 మరి, మన దేశమ్లో నడిచేదీ అదే ప్రజాస్వామ్యం కదా? మెజారిటీ ప్రజలు ఎన్నుకున్న పార్టీ ప్రభుత్వమే నడుస్తుంది కదా? మరి ఆ ప్రభుత్వం, మెజారిటీ ప్రజల అభిప్రాయం ప్రకారం నడవకూడదు అంటే ఎలా?

 నిజమేﾅﾅమైనారిటీలని మెజారిటీ అధికారానికీ, వాళ్ల అభిప్రాయాలు మైనారిటీల మీద రుద్దడానికీ వ్యతిరేకంగా వాళ్లకి కొన్ని రక్షణలు వుండాలి, వున్నాయి!

 మరి అదే సూత్రం ప్రకారం, ఏ రాష్ట్రం లో ఎవరు మెజారిటీగా వున్నారో, వాళ్లనుంచీ అక్కడి మైనారిటీలకి రక్షణ ఉండాలి కదా? అలా అనడానికి ఏడుస్తారెందుకు?

 అక్కడెక్కడో రాజస్థాం లో బెంగాలీ కూలీ ఒకణ్ని ఎవరో, ఏదో కారణం తో దహనం చేస్తే, దాన్ని అందరూ "తప్పు" అనే ఖండించారు, ఖండించాలి కూడా!

 కానీ, ఆ ఒక్క సంఘటనని, జాతీయ స్థాయి లో అతి పెద్దగా చూపిస్తూ, విషం కక్కవలసిన అవసరం ఏముందిﾅﾅ.ఈ మీడియాకీ, సో కాల్డ్ కాలమిష్టులకీ?

 దేశ ప్రజలందరూ సమానమేﾅ..అందులో జర్నలిస్టులు కొంచెం ఎక్కువ సమానమﾅﾅవాళ్లలో కూడా ఈ సో కాల్డ్ "లిబెరల్" జర్నలిస్టులుﾅﾅమరింత ఎక్కువ సమానం (ట.)

 ఆసలు వీళ్లు, కాంగ్రెస్ ఏమి చేస్తే బలపడుతుంది, ఎమి చేస్తే ఎక్కువ వోట్లు సంపాదిస్తుందీ, ఎవరిని అధ్యక్షుడిగా ఎన్నుకుంటే బాగుపడుతుంది, ఆ అధ్యక్షుడూ, వాడి తైనాతీలు ఏమి చేస్తే పార్టీకి మంచిదిﾅﾅ.అంటూ ఉచిత సలహాలు పత్రికలనిండా ఎందుకు నింపుతారో?

 నిజమే, బలమైన ప్రతి పక్షం అవసరమే! దానికి ఓ అర్హత వుండాలికదా? అలాంటి అర్హత కోల్పోయి, అయినా బుధ్ధి తెచ్చుకోకుండా ప్రవర్తిస్తున్న కాంగ్రెస్ పార్టీ నే ఇంకా పట్టుకుని వ్రేళ్లాడాలనుకునే ఇలాంటి వాళ్లని, వుంటే గింటే, ఆ దేవుడే రక్షించాలి!

 నాకు ఇలాంటి మీడియానీ, జర్నలిస్టులనీ తలుచుకుంటే, జాలీﾅ.ఇంకోటీ కలుగుతున్నాయి! అంతకంటే ఏమి చెయ్యగలను!

(మరింత మరోసారి)

జాతి ద్రోహులూ……. – 4

……….అజమాయిషీ లో ఉన్న పత్రికలూ!

(వాళ్లకి అదే పని! …….తాము ఎంత మూర్ఖంగా విమర్శిస్తున్నారో ఆలోచించరు. ప్రజలేమనుకుంటున్నారో పట్టించుకోరు. వాళ్లకి కావలసిందల్లా……కొంతమంది మూర్ఖులైనా వాళ్లు వ్రాసినవి నమ్మకపోతారా, మరింత ప్రచారం చెయ్యకపోతారా…..అన్న వాళ్ల ఆశ ఒక్కటే!)

……..ఇంక, "కపిల్ సిబల్" వ్యవహారానికొస్తే, మనీ లాండరింగ్ లో అనేక సూట్ కేస్ కంపెనీలు స్థాపించినట్టూ, రాజూ, ఏడుగురు కొడుకులూ లాగానూ, కథ చాలా దూరం వెళుతోంది!

అసలు, కోర్టులో వాదనలు మొదలయ్యే ముందు, వాది ప్రతివాదుల తరఫున న్యాయవాదులు తమకి ఇవ్వబడిన “వకాలత్ నామా” దాఖలు చేస్తారు. అంటే, ఫలానా వాదో, ప్రతివాదో, వారి తరఫున వాదించమని తమని నియమించారు అని ధృవీకరించే పత్రం.

మరి, ఏ వకాలత్ నామా కూడా లేకుండా కపిల్ సిబల్ వాదించాడా? అనేది ఓ లక్షకోట్ల రూపాయల ప్రశ్న!

మీడియా వాళ్లే మొదట “కపిల్ సిబల్ ‘సున్నీ వక్‌ఫ్ బోర్డు’ తరఫున వాదిస్తూ…….” అని ప్రకటించారు.

మోడీ, “వక్‌ఫ్ బోర్‌డ్ కీ ఎలక్షన్ కీ ఏమిటి సంబంధం? కాంగీ వాళ్లకి గానీ…..” అనగానే, కాంగీ వాళ్లు ప్రకటించేశారు……"వాడి వాదనకీ, తమ పార్టీ కీ సంబంధం లేదు" అని.

వెంటనే, వక్‌ఫ్ బోర్‌డ్ వాళ్లు…..”కపిల్ సిబల్ మా అడ్వొకేట్ ఆన్ రికార్‌డ్ (అంటే వకాలత్ నామా ఇవ్వబడ్డ న్యాయవాది) కాదు. అది 'షాహిద్ హుస్సేన్ రిజ్వీ' అనే ఆయన మాత్రమే!” అని ప్రకటించారు. ఇంకా, “ఆయన మరెవరో ప్రైవేటు పార్టీ తరఫున వాదించాడు. ముస్లిం ల తరఫున ఏ లాయరూ అలా వాదించడు!” అని ప్రకటించారు.

కపిల్ నాలిక కొరుక్కోకుండా, “మోడీ తప్పుగా మాట్లాడాడు! నేను ఇక్బాల్ అన్సారీ అనే ప్రైవేటు వ్యక్తి తరఫున మాట్లాడాను” అన్నాడు నిస్సిగ్గుగా!

ఈ ఇక్బాల్ అన్సారీ అనేవాడు, “మొదటిగా కేసులో వాది గా వుండిన హషీం అన్సారీ కొడుకు” అని కూడా చెప్పాడు.

ఇక్బాల్ అన్సారీ, “కపిల్ సిబల్ కి మేము ఎవరూ ‘అలా’ వాదించమని చెప్పలేదు. ఆయన ఏ ప్రైవెట్ పార్టీల తరఫునా కూడా వాదించడానికి నియమించబడలేదు. బహుశా, ఎవరో ప్రైవెట్ పార్టీ వాళ్ల లాయర్లు, ఆయన ని తమ క్రింద వాదించడానికి నియమించుకున్నారేమో……!” అని సందేహం వెలిబుచ్చాడు.

మరి కపిల్ సిబలూ, కాంగీ వాళ్లూ, తమ తలకాయలు ఎక్కడ పెట్టుకుంటారో?

ఏ సుప్రీం కోర్టు వారో, వాడి వకాలత్ ఇంకా వాదనల హవాలా తరహా వ్యవహారం పై దర్యాప్తు చేయించి, నిజాలు బయటికి వచ్చేలా చేస్తారా?

(నేను వ్రాసిన వాటన్నింటికీ, TIMES OF INDIA కథనాలే మూలం.)

(మరింత మరోసారి)

జాతి ద్రోహులూ……. – 3

……….అజమాయిషీ లో ఉన్న పత్రికలూ!

(వాళ్లకి అదే పని! …….తాము ఎంత మూర్ఖంగా విమర్శిస్తున్నారో ఆలోచించరు. ప్రజలేమనుకుంటున్నారో పట్టించుకోరు. వాళ్లకి కావలసిందల్లా……కొంతమంది మూర్ఖులైనా వాళ్లు వ్రాసినవి నమ్మకపోతారా, మరింత ప్రచారం చెయ్యకపోతారా…..అన్న వాళ్ల ఆశ ఒక్కటే!)

……..ఇంక, నిన్న బాబ్రీ మసీదు కూల్చివేత వార్షిక దినం. పైగా ఇది 25 వది అట! అందుకని దానికి ఘనంగా “రజతోత్సవం” అని ఈ పత్రికల వ్యవహారం!

ఇంక, అదేరోజు అంబేడ్కర్ పుట్టిన రోజో ఏదోట.

రెండింటికీ లింకు పెట్టి, వీళ్లంటారూ……”పాత విషయాలు అన్నీ మరిచిపోదాం…..” అని రాజ్యాంగంలో వ్రాసుకున్నాము ట. అందుకని, 1949 నుంచీ 1992 వరకూ జరిగిన విషయాలు మరిచిపోయి, మసీదు అక్కడే కట్టేసి, రాముడి గుడి బయటెక్కడో కట్టుకోవాలిట! ఇంకొందరు ప్రబుధ్ధులైతే, అక్కడ ఒక ఎమ్యూజ్మెంట్ పార్కో, థియేటరో కట్టాలట!

మరి, 1992 నుంచీ, 2010 వరకూ జరిగినవీ (అలహాబాద్ కోర్టు తీర్పూ…..) కూడా మరిచి పోవాలా? పోనీ, 2010 నుంచీ ఇప్పటివరకూ వీళ్లు జరుపుతున్న వార్షికోత్సవాలు మరిచిపోవాలా?

అసలు, మరిచిపోవడం అంటూ వస్తే, బాబర్ దండయాత్రా, ఆలయాన్ని కూలగొట్టి మసీదు నిర్మించడం వరకూ కూడా యెందుకు మరిచిపోకూడదు??? "మసీదు కట్టక ముందు అక్కడ రామాలయం ఉండేది" అని పురావస్తు శాఖ సమర్పించిన సాక్ష్యాధారాలు సుప్రీం కోర్టు దగ్గర వున్నాయి కదా మరి?

అవన్నీ వీళ్లకి అఖ్ఖరలేదు……రొడ్డకొట్టుడే వాళ్ల వ్యవహారం! 

దీనికి తోడు, ఒకరోజు ముందు సుప్రీం కోర్టులో, ఇదివరకే ప్రకటించినట్టే, రోజువారీ విచారణ ప్రారంభం అయ్యింది.
ఆసలు సుప్రీం కోర్టు ఆ రోజుకి కేసు వాయిదా వేసింది, “……ఇక ముందు యే విధమైన వాయిదాలూ అనుమతించకుండా, రోజువారీ విచారణ సాగిస్తాము……” అని చెప్పి మరీ!

మరి, తెలెవిమాలిన "కపిల్ సిబల్" వాదన చూడండి……”జులై 19, 2019 సంవత్సరం వరకూ కేసు వాయిదా వేయాలి” ట.

దానికి వాడు చెప్పిన కారణాలు……ముఖ్యమైనవి రెండు. 1. 2010 నుంచీ ఇప్పటిదాకా లేని ‘తొందర’ ఇప్పుడు ఎందుకు? 2. బీజేపీ వాళ్ల మేనిఫెస్టో లో, రామమందిరం నిర్మిస్తాము అని చెప్పారు. ఇప్పుడు రామ మందిరం నిర్మించేస్తే, 2019 లో బీజేపీ వాళ్లే గెలుస్తారు. (ఎవరు గెలిస్తే ఏమిటో వీడి బాధ? అవీ బయటికి వచ్చాయి……ఆ మర్నాడే! అది కూడా విచారణ చేయిస్తే “మనీ లాండరింగ్ కుంభకోణం" అంత విలువైన విషయాలు వెలికి వస్తాయేమో! ఈ విషయం గురించి తరువాత వ్రాస్తాను.)

1. కంగారెందుకు?......అన్నదానికి కోర్టే జవాబు చెప్పింది. “అప్పట్లో కేసు విచారణ 90 రోజులు మాత్రమే జరిగి ముగిసింది. ఆ ఆలస్యానికి కూడా కారణం, ఆ పార్టీలు ఏవో కారణాలతో వాయిదాలు కోరుతూ రావడమే” అనీ, “ఇప్పుడు పధ్ధతిప్రకారమే జురుగుతోంది కదా, ఇందులో తొందర ఏముంది?” అని అడిగింది!  

మరి, తొందర విషయానికొస్తే, 1949 నుంచీ ఆ ప్రభుత్వాలు నానబెట్టడం ద్వారానే కదా ముడులు బిగిశాయి?
అప్పట్లో, యెలక్షన్ ల ముందు, శిలాన్యాసం చేసి, రాజీవ్ ఎందుకు తొందర పడ్డాడు?

మసీదు కూల్చివేత తరువాత, పీవీ నరసింహారావు ని ఎందుకు హింసించారు? ఆయన సమాధికి కూడా ఢిల్లీలో స్థానం లేకుండా ఎందుకు చేశారు? అప్పటి నుంచీ కమిషన్లు వేసీ, కేసులు ఎందుకు దాఖలు చేయించారు? అవన్నీ ‘తొందర’ లేకుండానే చేయించారా? ఇప్పుడు తొందరేమొచ్చింది అని యే ముఖం పెట్టుకొని అడుగుతున్నారు?

2. “……వాళ్లు మందిరం కట్టేస్తే,…….వాళ్లే గెలుస్తారు!” అన్నది ఎంత మూర్ఖ వాదన!! వీళ్లకి కావలసింది సమస్య పరిష్కారం, జనం సుఖంగా జీవించడం కాదు! ఎలక్షన్ లలో వాళ్ల పార్టీ తప్ప ఇంకెవరూ గెలవకూడదు! వాళ్ల పిచ్చి పిచ్చి వ్యవహారాలూ, కుంభకోణాలే కొనసాగాలి!

ఉదాహరణకి, రేపు కాంగీలు తమ మేనిఫెస్టో లో, “2024 లోపల దేశం నుంచి దారిద్ర్యాన్ని పారద్రోలతాం” అని పెడితే, నాలాంటి వాడెవడో, “వాళ్లు తీసుకునే చర్యలేమిటో చెప్పకుండా, ఈ విషయాన్ని మేనిఫెస్టోలో పెట్టడం రాజ్యాంగ విరుధ్ధం” అని కోర్టు కి వెళితే, “దాని మీద విచారణని 2024 వరకూ సాగించవద్దు. ఈ లోగా వాళ్లు నిజంగా పారద్రోలేస్తే, 2024 లో మళ్లీ వాళ్లే గెలిచేస్తారు” అని ఇంకో పార్టీ వాళ్లు వాదిస్తే……????

ఇలాంటివి మూర్ఖపు వాదనలు అనడానికి ఇంకేమైనా దృష్టాంతం కావాలా?

(మరింత మరోసారి)

జాతి ద్రోహులూ……. – 2

……….అజమాయిషీ లో ఉన్న పత్రికలూ!

(వాళ్లకి అదే పని! …….తాము ఎంత మూర్ఖంగా విమర్శిస్తున్నారో ఆలోచించరు. ప్రజలేమనుకుంటున్నారో పట్టించుకోరు. వాళ్లకి కావలసిందల్లా……కొంతమంది మూర్ఖులైనా వాళ్లు వ్రాసినవి నమ్మకపోతారా, మరింత ప్రచారం చెయ్యకపోతారా…..అన్న వాళ్ల ఆశ ఒక్కటే!)

సార్వత్రిక యెన్నికలకి ఇంకా 18 నెలలు పైగా సమయం ఉంది. వస్తున్నవి గుజరాత్, తరువాత కర్ణాటక వగైరా యెన్నికలు.
అయినా, అప్పుడే పెద్ద ఎత్తున దేశవ్యాప్తంగా ప్రచారం మొదలుపెట్టేశారు…..బీ జే పీ కీ, మోడీ కీ వ్యతిరేకంగా, ఈ మీడియా వాళ్లూ, వాట్సాప్, ఇతర మీడియాల్లో వాళ్ల తైనాతీలూ!

ఢిల్లీలో కూర్చొని వ్రాస్తున్నారు…..వె.ధ.వ.లూ, …..డలూ…..(వాళ్లని తిట్టడానికి అంతకంటే పెద్ద తిట్లు రావు నాకు. ఇంకో తిట్టు వచ్చుగానీ, అనవసరంగా వాళ్ల అమ్మలకి తగులుతుంది అది.) “……(బీజేపీ) వాళ్లకి గట్టిగా పాఠం చెప్పాలి…..” లాంటి నినాదాలు వినపడుతున్నాయి (ట)! వాళ్లూ గుజరాత్ వెళ్లలేదు, నేనూ వెళ్లలేదు. కానీ, అది ఎంతనిజమో, వాళ్ల కొసమెరుపు వ్రాత చెపుతోంది…..”కానీ, ఆ నినాదం గుజరాత్ అంతటా వినపడడం లేదు" (ట)!

ఇంక, పటీదార్లు అంటే అభిమానం పెరిగిపోతోందిట జనాలకి! వాడెవడో హార్దిక్ పటేల్ అనేవాడు, ఓ సారి హటాత్తుగా ఆందోళన మొదలెట్టేశాడు ఇంతకు ముందు……కోట్ల రూపాయలతో! తరువాత ఏమైందో నోరుమూసుకు కూర్చున్నాడు. ఇప్పుడు వాడు సిగ్గులేని పార్టీకి మద్దతు!

ఆసలు ఈ పటీదార్లు అందరూ బాగా ధనవంతులు అన్న సంగతి అందరికీ తెలుసు. వాళ్లకి రిజర్వేషన్ లు కావాలట. పోనీ, అందరూ కాదు, వాళ్లలోనూ పేదలు ఉన్నారు అనుకున్నా, వాళ్లకి ఆ ధనవంతులైన మెజారిటీ సహాయం చెయ్యవచ్చుకదా? మొత్తం కులం పేరుతో రిజర్వేషన్ ఎందుకు? వేషం కాకపోతే!

(అన్నట్టు……సిక్కుల్లో ఎవరినైనా “అడుక్కునే వాళ్లని” చూశారా? అని గర్వంగా ప్రశ్నించి, “లేదు” అని మనచేతే సమాధానం చెప్పిస్తారు వాళ్లు. నిజంగా ఎవరూ సిక్కుమతస్తులు అడుక్కోవడం చూడలేదు! ఆ అవసరం వాళ్లకి రాకుండా చూసుకుంటారు మిగతా ఆ మతానికి చెందినవాళ్లు. అది, అన్ని మతాల, కులాల వాళ్లకీ ఆచరణీయం.)

(మరింత మరోసారి)

జాతి ద్రోహులూ……. – 1

……….అజమాయిషీ లో ఉన్న పత్రికలూ!

వాళ్లకి అదే పని! …….తాము ఎంత మూర్ఖంగా విమర్శిస్తున్నారో ఆలోచించరు. ప్రజలేమనుకుంటున్నారో పట్టించుకోరు. వాళ్లకి కావలసిందల్లా……కొంతమంది మూర్ఖులైనా వాళ్లు వ్రాసినవి నమ్మకపోతారా, మరింత ప్రచారం చెయ్యకపోతారా…..అన్న వాళ్ల ఆశ ఒక్కటే!

మొన్నటి టైమ్‌స్ ఆఫ్ ఇండియా లో సంపాదకీయం లో సిగ్గులేని వ్రాతలు చూడండి. అసలు వాడు వ్రాయదలుచుకున్నది, ప్రభుత్వానికీ, న్యాయవ్యవస్థకీ మధ్య విభేదాలు ఉండకూడదు అని. కానీ వ్రాసింది అవాకులూ, చెవాకులూ……. 

“……….Recent judgments like banning of liquor vends along highways, which hurt tourism and caused job losses, or asking movie audiences to sing the national anthem before every film screening, which is an unnecessary substitution of tokens for substance that could prompt vigilante action, are examples of judicial overreach.” (Underlining is by me).

……అంటే వాడి ఉద్దేశ్యం…..హైవేలమీద విచ్చలవిడిగా మద్యం అమ్మితే, టూరిజం పెరిగి, లక్షల ఉద్యోగాలు వస్తాయి అనా? అలా అయితే, గుళ్ల దగ్గరా, బళ్ల దగ్గరా వద్దు వగైరా నిబంధనలెందుకు? అవీ పీకేస్తే, మరిన్ని ఉద్యోగాలూ అవీ నా?
…..జాతీయగీతం ప్రదర్శించాలి అనీ, అప్పుడు లేచి నిలబడాలి అని మాత్రమే చెప్పారా? మీరుకూడా పాడకపోతే డొక్క చించుతాము అన్నారా?

ఇంకా……

“Any government’s first job, before anything else, is to maintain law and order……”


……కదా మరి? కానీ దానికి ముందు ఏమి వ్రాశాడో చూడండి……!

“…….the Padmavathi episode where Karni Sena wantonly threatens to wreak violence on the film’s cast, crew and theatres. At least four state governments and central government demonstrated a weak-kneed approach to the agitators. No different is governmental response, or lack of it, to gauraksha related lynchings.”

…….అంటే, కర్నీ సేన వాళ్లు అంతా చేశాక అప్పుడు మొసలి కన్నీళ్లు కారిస్తేనో, లేక ముందుగానే “వాళ్లని” చావగొట్టి, చెవులు మూస్తేనో…..శాంతి భద్రతలు కాపాడినట్టా? ఎక్కడో, ఎప్పుడో ఇలాంటి పత్రికలు గోరక్షకులు ఎవర్నో ఊచకోత కోసేస్తున్నారంటూ ప్రచారం చేసేస్తే, ప్రభుత్వాలు వాటి “గోవధ నిషేధం” లాంటి చట్టాలని తుంగలో తొక్కెయ్యాలా?

(ఈ విషయం లో అప్పట్లోనే నా బ్లాగులో వ్రాసింది క్రింది లింకులో చదవండి)

http://krishnasreevisurlu.blogspot.in/2016/08/blog-post.html

(మరింత మరోసారి)

"Something basically wrong....."--3

"అదుగో పులి......అంటే, ఇదిగో తోక!"

మన జనాలు.....అంటే దేశం మొత్తం మీద ఉండేవాళ్లు అందరూ.....ఇలా అంటారు అంటే, యేమాత్రం అతిశయోక్తి లేదు!

ఇలా "మాస్ సైకాలజీ"ని తమ స్వలాభం కోసం ఉపయోగించుకున్నవాళ్లలో ప్రథములు..... కాంగ్రెస్ వాళ్లు!

--ఓ ఎలక్షన్ ముందు, వీధి తలుపు మీద "నామం" వేసుకోక పోతే, రాక్షసి లోపలికి వచ్చేస్తుంది అనీ, అందర్నీ మింగేస్తుంది అనీ, నామం కనపడితే, దాన్ని నాకేసి, వెళ్లిపోతుంది అనీ ప్రచారం చేశారు!

--ఇంకోసారి, ఆకాశంలో కొన్ని పిశాచాలు ఓ శవాన్ని మోసుకెళ్తున్నాయి అనీ, ఆ సమయం లో బయటికి వస్తే, రక్తం కక్కుకుని చచ్చిపోతారు అనీ పుట్టించారు.

--ఇంకోసారి, వీధి తలుపులమీద "ఓ స్త్రీ, రేపురా...." అని వ్రాస్తే, ఆ తల విరబోసుకుని, నాలుక బయటకి వేళ్లాడుతూ ఉండే స్త్రీ.....వెళ్లిపోతుంది అనీ, అలా వ్రాయక పోతే, ఇంట్లోకి వచ్చేసి, అందర్నీ మింగేస్తుంది అనీ పుట్టించారు!

--మరోసారి, వెంకటేశ్వర స్వామి పాము రూపం లో మాయమై పోయాడు అనీ, సరిగ్గా అలాంటి ఉత్తరాలే ఇంకో ఇరవై వ్రాసి, ఇరవైమందికి పంపిస్తే మంచి జరుగుతుంది అనీ, లేకపోతే అనేకవిధాల నష్టపోతారు అనీ.....పుట్టించారు!

ఇవన్నీ ఎన్నికల ముందే జరిగేవి అనీ, ఆ ఎన్నికల్లో కాంగ్రెస్ తిరుగులేని మెజారిటీ సాధించేది అనీ అందరూ ఎరిగిన సత్యం!

అవే ఉపాయాలు జనతావాళ్లూ, బీజేపీ వాళ్లూ ఉపయోగించాల్సి వచ్చింది......"వినాయకుడు పాలు తాగుతున్నాడు....." వగైరాలతో! అప్పుడూ వాళ్లే నెగ్గారు!

ఇప్పుడు కూడా, అలాంటివి పుట్టిస్తూనే ఉన్నారు......చతికిలపడుతూనే ఉన్నారు! 

ఇప్పుడు, సోషల్ మీడియా దరిద్రాలోటీ! పైసా ఖర్చు లేకుండా, అపప్రథలని వ్యాపింపచెయ్యొచ్చు! తరవాత నలుగురూ తిడితే, నోరు వెళ్లబెట్టచ్చు!

అలాంటివే....."ఈజిప్టు తరహా....."; "జల్లికట్టు తరహా......"; "ఇంకేదో తరహా......" అంటూ పేలే అవాకులూ, చెవాకులూ!

మరి మీరేమంటారు?

"Something basically wrong....."--2

"జీవ హింసానందోన్మాదం....."

తూర్పు గోదావరి "ప్రభల" తీర్థాలనీ, కోటప్ప కొండ "ప్రభల" నీ కూడా, కోడి పందాల తో కలిపి మాట్లాడుతున్నారు కొందరు మూర్ఖులు!

దేవరగట్టు కర్రల యుధ్ధాలని కూడా వాళ్ల సంప్రదాయం అంటున్నారు, ఒప్పుకుందామా? అంటున్నారు కొంతమంది.

పురాతన రోమన్ సామ్రాజ్యం లో, ఆకలితో ఉన్న సింహాలకీ, బానిసలకీ యుధ్ధం ఏర్పాటు చేసి, కొన్ని వేలమంది ఆనందించేవారట!

మన పురాణాల ప్రకారం, అనేక యాగాలు చేసి, పశువులని వధించినవాళ్లు నరకానికి పోయి, ఇనుప కొమ్ములూ, గిట్టలూ ఉన్న అవే జంతువులచే హింసింపబడినట్టు వ్రాశారు!

కొంచెం వెరైటీగా, "కట్టు జల్లి" పేరుతో, స్టేడియాల్లో మధ్యన జనాలని నిలబెట్టి, అన్ని ప్రక్కలనుంచీ కొన్ని వేల ఆబోతులనీ, దున్నలనీ రెచ్చగొట్టి వాళ్లమీదకి వదిలేస్తే, చూసేవాళ్లకి వినోదమే వినోదం! 

జల్లికట్టు జంతువులని పట్టుకోడానికి సాహసించే లాంటి వాళ్ల దగ్గరనుంచి డబ్బు వసూలు చెయ్యచ్చు.....మధ్యలో నిలబడే ఛాన్స్ ఇచ్చినందుకు! చూడ్డానికి వచ్చే వాళ్ల దగ్గరనుంచి, ఇంకా ఎక్కువ డబ్బు వసూలు చేసుకోవచ్చు!

అలాగే, కత్తులు కట్టిన కోళ్లతోటీ......!

ఏమంటారు? 

అవి సంప్రదాయాలు కాదంటారా?! యెవరో ఒకరు ప్రారంభించకపోతే, సంప్రదాయాలు ఎలా ఏర్పడతాయి? 

కమ్మీనిష్టులు ముగ్గుల పోటీలు నిర్వహించడం యెప్పుడో ప్రారంభించి, సంప్రదాయాన్ని నెలకొల్పలేదూ?

ఆలోచించండి!

"Something basically wrong....."

......తప్పుడు లేదా తేడా గాళ్లు.

"మాబ్" సైకాలజీ లో ఎందరు పరిశోధన చేసి డాక్టరేట్లు తెచ్చుకున్నా, ఇంకా చాలా మిగిలే ఉంటుంది పరిశోధించడానికి--మన దేశం లో! 

"జల్లి కట్టు" కీ, సినిమా నటులకీ ఏమిటి సంబంధం? ఒకళ్లో, ఇద్దరో "పెటా" లో సభ్యులు కాబట్టి, జల్లికట్టు నిషేధించడానికి మద్దతు ఇచ్చారు. అంతే! రాబందులు ఊరుకోవుగా? మిగిలిన నటులనీ అందరినీ వాళ్ల అభిప్రాయం అడగడం, వాళ్లు చచ్చినట్టు, "వ్యతిరేకిస్తున్నాము" అని చెప్పడం! దాంతో, జనాలందరూ మేమూ వ్యతిరేకం అంటూ ఆందోళనలు చెయ్యడం!.....విద్యార్థులతో సహా!

ఆవిడ అవినీతికి పాల్పడింది అంటే.....
పదవి నుంచి దిగిపోయింది అంటే.....
కేసుని బదిలీ చేస్తారు అంటే.....
ఆవిడ ఆరోగ్యం బాగాలేదు అంటే....

.....ఇలా ఏది అన్నా, వెంటనే వీధుల్లోకి వచ్చి, ఒళ్లంతా పెట్రోలు పోసుకొని, తగలబెట్టేసుకుంటాము అంటారు.....కొందరు తగలబడతారు, ఇంకొందరిని తగలబెడతారు!

నీళ్లని విడుదల చెయ్యాలి....అన్నా అంతే!

మరి......వీళ్లు "తేడా" కాదూ?

అలాగే....కోడి పందాలు!

సంస్కృతికీ, వీటికీ సంబంధం ఏమిటి? ఏమైనా అంటే, పల్నాటి యుధ్ధాలూ, నాయకురాలు నాగమ్మ నుంచీ వస్తున్నాయి.....అని వాదనలూ!

వాటి వల్ల యుధ్ధాలే జరిగాయి! శాంతి భద్రతల సమస్యలు వస్తున్నాయి. అనేక అనర్థాలు జరుగుతున్నాయి. వాటి ప్రక్కన అనేక అవినీతి పనులు జరుగుతున్నాయి. అందుకనే వాటిని నిషేధించడం!

పైగా, ఏ పాపమూ ఎరుగని జంతువులని, మన వినోదం కోసం బాధపెట్టడం, చంపడం......!

మరి, అది కొనసాగాలి అంటున్నారంటే, వాళ్లు "తేడా" కాదా?

(మిగతా.......మరోసారి)

నా దారి నాది.....

"హిపోక్రసీ"

"నాకు రాజకీయాలంటే ఇష్టమే.....కానీ, ఆ రొచ్చు లోకి దిగి, బురద అంటించుకోవడం ఇష్టం వుండదు."

"మెజారిటీ ప్రజలు యెన్నుకున్న ప్రభుత్వం వ్యవస్థని భ్రష్టు పట్టిస్తోంది! నిజానికి మెజారిటీ ప్రజలు ఇప్పుడు చింతిస్తున్నారు. త్వరలో ప్రభుత్వానికి బుధ్ధి చెపుతారు.".....అంటాను.

మొన్న....."ఒకడెవడో.....ఒకణ్ని 'న్యాయపూరిత హత్యకి' గురిచేశారు, వాడికి సానుభూతిగా నా అనుచరులు పదిమందితో నిరసన ప్రకటిస్తాను" అని చెప్పి, దేశ ద్రోహ ఉపన్యాసాలు ఇస్తే, ఆ 'చిన్నారిని' అనవసరంగా అరెస్టు చేసి, బాధ పెట్టేస్తున్నారు".....అన్నాను.

ఇప్పుడు....."బెజవాడలో, పురాతన దేవాలయాలు కూల్చేస్తున్నారు....దానికి కారణం ఇక్కడి ప్రభుత్వం.....వారితో చేరిన జాతీయ పార్టీ చచ్చుబడిపోయింది.....దీనంతటికీ కారణం, ప్రథాన మంత్రి......అసలు వాళ్లకి 'ప్రార్థనాలయాలు కూల్చడం ఓ హాబీ'.......త్వరలో వాడికి బుధ్ధి రావాలి".....అంటాను.

"పురాతన దేవాలయాలు కేవలం కొండలమీదా, నదులప్రక్కనీ కట్టారు గానీ, రోడ్డు ప్రక్కనీ, కాలవ గట్లమీదా కట్టలేదు".....అంటే, ఛస్తే ఒప్పుకోను!

"అసలు 'పురాతనం' అంటే, ఓ వందేళ్లో, అంతకు పైగానో అనొచ్చేమో గానీ, ఓ ముఫ్ఫై, నలభై యేళ్ల క్రితం లేనివి కూడా పురతనమే".......అంటాను.

"అక్కడ, హిందూ దేవాలయాలు కూల్చేస్తున్నారు.....(అక్కడ లేని) మహమ్మదీయ, క్రైస్తవ ప్రార్థనాలయాలని కూల్చే దమ్ముందా మీకు?"........అని ప్రశ్నిస్తాను!

పెద్ద కోర్టులు కూడా, "రోడ్ల మధ్యలో పెట్టిన శిలావిగ్రహాలని, గుళ్లనీ తొలగించాలి అని తీర్పు ఇచ్చినా, వాటిని రా నా లు పట్టించుకోవద్దు"......అని సలహా ఇస్తాను!

పందొమ్మిదో శతాబ్దం చివరలోనూ, ఇరవయ్యో శతాబ్దం చివరలోనూ ప్రచురింపబడ్డ ఫోటోల్లో కూడా, ఆ కాలవ గట్లలో యే దేవాలయాలూ లేవు అని చరిత్ర నిరూపిస్తున్నా,......."అవన్నీ పురాతన దేవాలయాలే" అని ఘంటాపథంగా చెపుతాను.

తిన్నగా వేస్తున్న రోడ్డుకి ఏ 'శాలో' అడ్డం వస్తే, "దాన్ని వదిలేసి, (రోడ్డు వంకర తిరిగినా) రెండో ప్రక్కన ఉన్న ఇళ్లని కూలగొట్టొచ్చు కదా?".......అని ప్రశ్నిస్తాను. "అవన్నీ మీ పార్టీ వాళ్లవి కాబట్టి కూలగొట్టరు".....అని ఆరోపిస్తాను.

ఎప్పుడో.....మూణ్ణెల్లకో, ఆర్నెల్లకో వచ్చే ఇలాంటి అవకాశాలని వదులుకోలేను కదా? అయినా నేను "రాజకీయ రొచ్చు అంటించుకున్నాను" అంటే ఎలా?

అయినా.....నాకెందుకులెండి......రాజకీయాలు...... ఏదో.....భ్రష్టు పడి పోతున్న వ్యవస్థ ని చూసి, బాధ తట్టుకోలేక, ఏదో వ్రాస్తాను.

పట్టించుకునే వాడెవడు లెండి??!!

దాన ధర్మాలు....

"అన్ని దానములలోకెల్ల....అన్నదానము గొప్ప"!

అవునండీ.....ఇది పెద్దలు చెప్పిన మాట. 

మరి ఓ తెల్లవాడన్నాట్ట....."చేపలు వండి వడ్డించడం కాదు--చేపలు పట్టుకోవడం నేర్పించు"....అని!

మరి యేది కరెక్టు? అంటే రెండూ కరెక్టే!

ఆకలితో వున్నవాడికి "అన్నదానం" చెయ్యాలి. అంతేగాని భూమి దున్నడం దగ్గర్నించీ నేర్పించడం మొదలెడితే, యెప్పటికి వాడి ఆకలి తీరేట్టు?

మరి, మూడుపూటలా వండి వడ్డించేసి, వాడికి ఆకలే తెలియకుండా ఛేస్తామంటే? అది అపాత్ర దానం. వాళ్లకి వళ్లు వంగేలాగ చెయ్యాలి.

అన్నదానం అంటే.....రంతిదేవుడూ, శిబి చక్రవర్తీ లాంటివాళ్లు చేసినవి! అంతేగానీ, ఇవాళ జరుగుతున్న నిత్యాన్నదానాలూ, నిరతాన్నదానాలూ వగైరాలు కాదు.

ఇదివరకు యేదైనా ఉత్సవాలో యేవో జరిగినప్పుడు, చివర్లో ఓరోజు పేదలకి అన్నదానం లేదా సంతర్పణ అని నిర్వహించేవారు. వచ్చినవాళ్లకి లేదనకుండా వడ్డించేవారు. 

ఇప్పుడో? ఆఖర్లో అన్నసమారాధన! భక్తుల అన్నప్రసాద స్వీకరణ!

ముందుగా ఆ చుట్టుప్రక్కలవాళ్లందరి దగ్గరా చందాలు దండడం, కిరాణా వాళ్ల దగ్గరా, బియ్యం కొట్ల వాళ్లదగ్గరా సరుకులూ, బియ్యం, కూరగాయల కొట్ల దగ్గర కూరలూ అన్నీ దండుకోవడం. ఆ రోజున ఇలా చందాలూ అవీ ఇచ్చినవాళ్లందరూ కుటుంబాలతో సహా వచ్చి మేసేసి వెళ్లడం!

ఇవీ ప్రస్తుత అన్నదానాలు. 

మొన్న ఒకాయన "అసలు ఊళ్లో కూలీలు దొరకడం లేదండీ" అని వాపోతుంటే, ఇంకొకాయన, "వారం లో యేడు రోజులూ ఫలానా వారం ఫలానా గుళ్లో, ఇంకో రోజు ఇంకో గుళ్లో.....ఇలా అన్నదానాలు చేస్తుంటే, కూలి డబ్బుల అవసరం యెవరికుందండీ"? అన్నాడు.

నిజంగా అంత ఆశ్చర్యకరంగానే వున్నట్టుంది పరిస్థితి!

యేంచేద్దాం?! పోనీయండి.

పత్రికలూ....కధనాలూ...

"జనం కంట...ఉల్లి మంట"

మొన్ననే నా "శాకాంబరాలూ....." టపాలో వ్రాశాను పేపర్లో కథనాల గురించి. 

ఇదిగో.....నిన్న (04-08-15) మా జిల్లా ఈనాడులో పై శీర్షికతో కథనం ప్రత్యక్షం!

దీంట్లో విచిత్రాలు గమనించండి.....!

".....కారణం మహారాష్ట్రలో కురిసిన వడగళ్ల వాన కారణంగా పంట చాలావరకూ దెబ్బతినడమే....." (వడగళ్ల వల్ల భూమిలో వుండే ఉల్లికి నష్టం వస్తుందా? వరదలైతే, నీళ్లు నిలబడిపోయి, పాయలు కుళ్లిపోతాయనుకోవచ్చు! పోనీ కోశాక అయినా విపరీత వర్షాలు వస్తే, సరుకు తడిసిపోయి పాడయిందనొచ్చు!)

"....ఈ వారం లో మరింత పెరిగే అవకాశాలున్నాయి అని వ్యాపార వర్గాలు అంటున్నాయి....."

"....హుబ్లీ, బెంగళూరు ప్రాంత ఉల్లి....తయారు కాలేదు....ఇంకా 2 నెలల సమయం పట్టే అవకాశం ఉంది...."

(బెంగుళూరు "నగరం" ఉల్లిపంటకి ప్రసిధ్ధి అని వీరి కథనం. ఇప్పటికే ప్రతి రోజూ వర్షాలు కురుస్తున్నాయి కర్ణాటక అంతా. వచ్చే రెండు నెలలూ విపరీత వర్షాలు కురుస్తాయి! మరి అప్పటికి ఉల్లి పంట పూర్తిగా యెలా తయారు అవుతుందో?)

ఇంకా విచిత్రం--వీడెవడో కాంగ్రెస్ అభిమాని అయ్యుంటాడు-- 

"......ఏడేళ్ల కాలంగా ఉల్లి ధరను పరిశీలిస్తే, కిలో రూ. 6 ల నుంచి రూ. 7 ల మధ్యే వుండేది. అనంతరం ఏడాది కాలం లో ఇంతవరకు రూ. 12 లు తగ్గిన సందర్భం లేదు."

(వీడి "పరిశీలన" కి ఆధారాలేమిటో? గత యేడేళ్లుగా ఉల్లిపాయల మీద వచ్చిన కార్టూన్లు పరిశీలించినా, ఓ నాలుగేళ్ల క్రితం కిలో 120 దాకా యెగబడిందనీ, కేజ్రీవాల్ నెగ్గే ముందు కూడా 70 నుంచి 80 ఢిల్లీలోనే అమ్మిందనీ, గత సంవత్సరం, ముందు చూపుతో గవర్నమెంట్ దిగుమతులు చేసుకోబట్టి, కిలో 10 నుంచి 12 కే కట్టుబడి వుంది అనీ, పాత పేపర్లు తిరగేసినా స్పష్టం అయ్యేది వాడికి!)

ఇలాంటివండీ మన పేపర్ల పరిశీలనాత్మక కథనాలు!

జాతీయ దుబారా....

"శాకాంబరాలు....."

జూన్ లో కాస్త వర్షాలు పడగానే, ఆకు కూరలూ, కాయగూరలూ కాస్త విరివిగా వచ్చి, రేట్లు తగ్గడం మొదలెడతాయి. ద్రవ్యోల్బణం తగ్గుతోంది అని సంతోషిస్తారు ప్రజలూ, ప్రభుత్వాలూ. 

వాటితోపాటే, అంచనాలు మొదలెడతారు పత్రికలవాళ్లు.....ఫలానాచోట ఉల్లిపంట తగ్గిపోయింది, ఇంకోచోట టమాటా పంట నాశనం అయ్యింది, వాటికి కొరత యేర్పడే అవకాశం, ధరలు పెరిగే అవకాశం......అంటూ రోజుకో కథనం వ్రాసేస్తారు. 

దాంతో, మళ్లీ కూరగాయల ధరలు పెరిగిపోతాయి. 

అలా జూలై గడిచేసరికి మొదలవుతాయి దేవుళ్లకీ, అమ్మవార్లకీ "శాకాంబర" అలంకారాలు! కనక దుర్గతో మొదలెట్టి, పుంతలోముసలమ్మలవరకూ ....... ఒక్కోళ్లకీ 200 కేజీలనుంచి 5 టన్నులవరకూ! పేపరు తెరిస్తే, అన్ని గుళ్లలోనూ ఆ అలంకారాల ఫోటోలే! ఇన్ని కేజీలూ, అన్ని టన్నులూ అని కథనాలే!

భీమవరం లో మావుళ్లమ్మకి మొన్న 5 టన్నులతో అలంకరించారు! ఇంకో విశేషం......వాటిలో కొన్ని వందలకేజీలు ఉల్లిపాయలు వుండడం!

ఓ ప్రక్క బజార్లో ఉల్లిపాయలు కేజీ 60 రూపాయలకి తక్కువ కాకుండా అమ్ముతుంటే, పేపర్లు కేజీ 40 అని వ్రాస్తే, ప్రభుత్వం 20 కే రైతుబజార్లలో అందిస్తాం అంటూ, ఫలానా జిల్లాకి 200 టన్నులు పంపించాం, ఇంకో జిల్లాకి 100 టన్నులు పంపించాం, యెక్కడా కొరత రానివ్వం--ధరలు పెరగనివ్వం--అంటూ మంత్రుల ప్రకటనలూ!

ఇంకో విచిత్రం యేమిటంటే......ఆ అలంకారాలకి ఆధ్వర్యం వహించేది...... కూరగాయల వర్తక సంఘాలే! (బజార్లో కేజీ కి ఒక్క రూపాయి కూడా తగ్గించరు గానీ, భక్తిపేరుతో టన్నులు "ఉచితంగా" తగలేస్తారు! దీంట్లో యేమైనా కుట్ర కోణం వుందేమో యెవరైనా పరిశోధిస్తే బాగుండును!)

ఇంక దీన్ని అరికట్టే మార్గం......? 

సామాన్య జనం తరఫున ఆ గుడుల ధర్మకర్తలూ, పూజార్లూ, అర్చకులకి నా విజ్ఞప్తి...... "సోదరులారా! అలా అలంకరించడం మా వల్లకాదు అని ప్రకటించండి. ఇంకా, అడ్డమైనవాళ్లూ, ఈ అలంకారం పేరుతో, కొన్ని గంటలపాటు, ఆ విగ్రహాల పీఠాలనీ, గర్భ గుడినీ ఇష్టం వచ్చినట్టు తొక్కడం ఆ దేవీ దేవతలని అపవిత్రం చెయ్యడమే" అని ప్రకటించండి. 

అప్పుడైనా ఈ వేలం వెర్రి కాస్త తగ్గి, సామాన్యులకి మేలు జరుగుతుందేమో......!

ఆలోచించండి.....

శ్రీరామ నవమి......

శ్రీరాముడూ, సీతాదేవీ.....తలంబ్రాలూ.....-3

ఇంతకీ "ఒంటిమిట్ట"లో సీతారామ కళ్యాణం శ్రీరామ నవమి నాడు కాదండోయ్! ఇవాళే అంకురారోపణ జరిగింది. రేపు ధ్వజారోహణం! పట్టువస్త్రాలు ఇవాళిచ్చేస్తే, వచ్చే "పౌర్ణమి నాడు" జరిగే కళ్యాణం లో వాటిని వుపయోగిస్తారట!!!

సరే.....ఇవన్నీ ఇలా వున్నా, మధ్యలో "పిడకలవేట" లా ఈ "తలంబ్రాల" గోలేమిటీ? దానికి "పరాకాష్టేమిటీ"? ....అంటే......

గత కొన్నేళ్లుగా, కళ్యాణం అయ్యాక తలంబ్రాలు "చిన్న పొట్లాల్లో" భక్తులకి అందిస్తున్నారు అని చెప్పుకున్నాం కదా? క్రితం యేడాది...."ఓ నెల ముందుగానే".....2 క్వింటాళ్ల (200 కిలోల) బియ్యాన్ని పొట్లాల్లో నింపేసి, "తలంబ్రాలు" సిధ్ధం చేసేశారు! ఇదో పరాకాష్ట.

అలాగే, కొన్నేళ్లుగా, తూర్పు గోదావరి జిల్లాలోని ఓ గ్రామం నుంచి...."కో(గో)టి తలంబ్రాలు" పేరుతో, కోటి ధాన్యం గింజలని, కొన్ని రోజులపాటు, కొన్ని వందలమంది, "గోళ్లతో" ఒలిచి, వాటిని కాలినడకన తీసుకెళ్లి, భద్రాచలం గుళ్లో అందిస్తున్నారు! (నిజంగా వాటిని యేం చేస్తున్నారో యెవరికీ తెలీదు.)

ఈ మధ్య ఆ గ్రామం లో ఓ మంచి ముహూర్తం పెట్టించి, పొలం "దున్నడం" మొదలెట్టి, మళ్లీ మంచి ముహూర్తం చూసి, "విత్తనాలు" జల్లి......అలా......చివరికి కాలినడకన.....మామూలే! ఇదో పరాకాష్ట!

ఈసారి, ఓ రెండు వారాలముందే, ఓ మూడు తట్టల్లో, 30 లక్షల గింజల్ని తీసుకెళ్లి అందించేశారు. మిగిలినవి ఇవాళ అక్కడకి చేరి వుంటాయి. ఇంకో విశేషం యేమిటంటే.....ఇంకొన్ని గింజల్ని "ఒంటిమిట్ట" కూడా పంపిస్తున్నారట!

వాళ్లని చూసి, ప గో జి వాళ్లు కూడా కొంతమంది మొదలెట్టారు!

ఇంకా, ఈ మధ్య భీమవరం లొ వుండే బెల్లంకొండ బిందుమాధవ రావు, ఆయన భార్య, బియ్యం గింజలు "ఒక్కోదాని" మీదా శ్రీరామ అని రంగు రంగుల్లో వ్రాసి, మళ్లీ వాటిని శ్రీరామ అనే "ఆకారం" లో పేర్చి, అందించి వచ్చారు. రెండు తట్టలు ఫోటో వేశారు పేపర్లో.....అంటే, ఓ 20 లక్షల గింజలు వుండొచ్చు! ఇదింకో పరాకాష్ట!

అసలు, "క్షుద్రమైన" గోళ్లతో వడ్లు ఒలిస్తే వచ్చే బియ్యం గింజలు "అతి పవిత్రం" యెలా అవుతాయో?

పైగా, భత్తులకి పొట్లాల్లో అందించే "తలంబ్రాలు" యెలా సద్వినియోగం అవుతున్నాయో యెవరికైనా తెలుసా? (ఇంకా కళ్యాణం మొదలెట్టక ముందే పొట్లాలు అందించేస్తారట!). వాటిని ఇళ్లకి తీసుకెళ్లి, పూజామందిరాల్లో పెట్టుకొని, ఓ యేడాదిపాటు పూజించే వాళ్లని కూడా వేళ్లమీద లెఖ్ఖపెట్టచ్చేమో!

మరి, "ఆహార ధాన్యాల వృధా" గురించి యెవరైనా ఆలోచిస్తున్నారా? "యె పి వా ఆ" అని నిర్లిప్తం గా వూరుకుంటున్నారా?

నిజమైన శ్రీరామ భక్తులందరినీ, "ఇవాళ" (సూర్యోదయాత్పూర్వమే అష్టమి వెళ్లిపోయింది. ఇవాళే నవమి!) తన "పుట్టినరోజు" సందర్భంగా, ఆయనే చల్లగా చూస్త్రాడు!

(ఇప్పటికి సమాప్తం)

శ్రీరామ నవమి

శ్రీరాముడూ, సీతాదేవీ.....తలంబ్రాలూ.....-2

మన తెలుగోళ్ల భద్రాచలాన్ని త్లంగాణోళ్లు పట్టుకుపోయారు. తప్పేముందీ? మనవాళ్లు రాముడి భక్తులూ, భద్రాచల భక్తులూ గానీ, అంధ్రోళ్లూ, త్లంగాణోళ్లూ కాదు కదా? కానీ, రేపు శ్రీరామనవమికి కేసీఆర్ తన ప్రభుత్వం తరఫున పట్టు వస్త్రాలూ, మంచి ముత్యాలూ (హైద్రాబాద్ నుంచి) తీసుకెళ్లి "సమర్పిస్తాడే"?

మరి మన గతేమిటి?

అందుకే, మన ప్రభుత్వం మన రాష్ట్రం లో ఓ రామ క్షేత్రం లో పట్టు వస్త్రాలూ, "మంచి ముత్యాలూ" సమర్పించవద్దూ? అది యెక్కడ? యెప్పుడు? యెవరి చేత?

భద్రాచలం లో మన పండితులూ, వాళ్ల పుత్రులూ, శ్రీరామనవమి యెప్పుడు జరపాలీ, కళ్యాణం యెప్పుడు చేయాలీ, అసలు వాడెప్పుడు పుడతాడూ అంటూ లా పాయింట్లు తీసి, ప్రభుత్వ సెలవుదినాల్ని ముందుకీ, వెనక్కీ జరిపి, తమ పబ్బం గడుపుకోవడం అలవాటు చేసుకున్నారు.

ఓ రోజు తెల్లవారి అరగంటసేపు అష్టమి వుండి, తరువాత నవమి ప్రవేశిస్తే, స్మార్తులు ఆరోజే శ్రీరామ నవమి అన్నారు. ఠాఠ్! అలా వీల్లేదు....."అసలు అష్టమే ఆ రోజు వుండకూడదు".....అన్నారు వైష్ణవులు! సరే....ఆ మర్నాడు, సూర్యోదయాత్పూర్వమే నవమి వెళ్ళిపోయి, "దశమి" వచ్చేసిందే? అయినా సరే, ఆరోజు అష్టమి లేదు కాబట్టి, "నవమి వున్నా, లేకపోయినా, దశమే వున్నా", ఆరోజే రాముడు పుట్టాడు కాబట్టి, అదే శ్రీరామ నవమి, ఆరోజే భద్రాచలం కళ్యాణం అన్నారు!

అప్పటినించీ అలాగే చెల్లించుకుంటున్నారు. సరే! ఇంక ఈ బాధలన్నీ కేసీఆరే పడతాడు. కానీ, మన సంగతి యేమిటీ?

ప్రభుత్వం.....యెక్కడ, యెలా, యెప్పుడు, యెవరిచే........?

విజయనగరం జిల్లాలోని "రామతీర్థాలు" లో......అని డిమాండు చేశారు కొందరు! ఆహా....అధి "మధ్యలో" వుండాలికదా? పైగా......అన్ని జిల్లాలకీ అన్నీ అనే లెఖ్ఖల్లో....అపోజిషనోళ్ల ఫాక్షన్‌ జిల్లాలో వుంటే మరీ మంచిది కదా? అక్కడ "ఒంటిమిట్ట రామాలయం" వుంది కదా? అక్కడే జరిపించేద్దాము.....! అన్నాడట నాయకుడి అనుచరుడు! అదే ఖాయం అయ్యింది.అందునిమిత్తం, వెంటనే ఓ యాభై కోట్లో యెంతో పెట్టి, యెర్పాట్లు చేసేశారు. ఇంకా భవిష్యత్తులో కూడా, ఆ గుడిని అభివృధ్ధి చేస్తారట.

మరి మంచి ముత్యాల మాట రాలేదుగానీ, "పట్టు వస్త్రాలు" యెవరు ఇవ్వాలి? ముఖ్యమంత్రిగారు తాత అయ్యారు కాబట్టి, కుదరదు. ఇంక ఓ ఉప ముఖ్యమంత్రి గారి బంధువులు యెవరో పోయారని, ఆయనా కుదరడు. ఇవాళే తేల్చారు ....ఇంకో ఉప ముఖ్యమంత్రి పట్టువస్త్రాలని సమర్పిస్తాడు....28 వ తేదీని....అని!

(మిగతా.......మరోసారి)

శ్రీరామ నవమి

శ్రీరాముడూ, సీతాదేవీ.....తలంబ్రాలూ.....

"అదుగో భద్రాద్రీ.....గౌతమి అదుగో చూడండీ....రామదాసు నిర్మించిన ఆలయం...." అని పరవశించి పాడుకుంటూ శ్రీరామనవమి నాటి కళ్యాణానికి తరలిపోయేవారు తెలుగు జనాలు.

తానీషా, ప్రతీ సంవత్సరం తలంబ్రాల నిమిత్తం గోల్కొండ నుంచి మంచి ముత్యాలు పంపించేవాడట. (తరువాత వాటిని యెలా యేరేవారో, మళ్లీ భద్రంగా గోల్కొండ యెలా చేర్చేవారో తెలీదు గానీ, ఆ తరువాత యేడాది మళ్లీ అవే ముత్యాలని పంపించేవాడట!)

ప్రజా ప్రభుత్వాలు యేర్పడి, ఆంధ్ర రాష్ట్రం యేర్పడ్డాక, హైదరాబాదు సంస్థానం విలీనం అయ్యేవరకూ ఇది కొనసాగినట్టుగానే వుంది. విలీనం తరవాత, ఆంధ్ర ప్రదేశ్ యేర్పడే వరకూ ఈ ఆచారం కొనసాగినట్టు దాఖలాలు వున్నాయో లేదో నాకు తెలీదు.

ఆంధ్ర ప్రదేశ్ కి హైదరాబాదు రాజధాని అయ్యాక, మళ్లీ యెప్పుడో....తలంబ్రాలకి మంచి ముత్యాలూ, పట్టు వస్త్రాలూ ప్రభుత్వం తరఫున పంపించడం మొదలెట్టారు. (అప్పుడు కూడా అవి హైదరాబాదు యెలా తిరిగి వెళ్లేవో, తరువాత యేడాది వాటినే యెలా పంపించే్వారో....ఆ రాముడికే యెరుక!)

తరవాత తరవాత, అనేకసార్లు ఆలయం లో చోరీలూ, పునరుధ్ధరణలూ జరిగాక, క్రమ క్రమంగా తలంబ్రాల బియ్యాన్ని చిన్న చిన్న పొట్లాలు కట్టి, భక్తులకి అందజేయడం మొదలెట్టారు. 

ఇటీవల ఈ 'తలంబ్రాల' బాగోతం యెంత పరాకాష్ట కి చేరిందంటే......

(........మరోసారి)

కళ్యాణాలూ........

..............తలంబ్రాలూ

రేపెప్పుడో.....భద్రాచలం లో జరగబోయే శ్రీ సీతారామ కళ్యాణానికి, ఓ వారం పదిరోజుల క్రితమే, 200 క్వింటాళ్లో యెన్నో బియ్యం "తలంబ్రాలు"గా కలిపేశారు దేవస్థానం వారు. వాటిని సరాసరి చిన్న చిన్న పేకట్లలో పెట్టి, భక్తులకి ఆరోజున అందజేస్తారు. (ఇప్పుడు వుచితంగానే ఇస్తున్నారనుకుంటా). 

నిజానికి కళ్యాణం లో పోసే తలంబ్రలకీ వీటికీ సంబంధమేలేదు. 

ఇప్పుడు బజార్లో దొరుకుతున్న 25 కేజీల బస్తాలు 4 అయితే ఓ క్వింటాల్. 200 క్వింటాళ్లు అంటే, ఇలాంటివి 800 బస్తాలు!

ఇవి చాలనట్లు, తూర్పు, పశ్చిమ గోదావరి జిల్లాలనుంచి వేరే వెరే తలంబ్రాల బియ్యం పట్టుకెళ్తారు భక్తులు.

జంగారెడ్డి గూడెం నుంచి, వడ్లు గోటితో వలిచి, కోటి బియ్యం గింజలు కాలినడకన భద్రాచలం తీసుకెళ్లి, అక్కడ "కలుపుతారట". వీటిని కో(గో)టి తలంబ్రాలు అంటున్నారు మీడియా వాళ్ళు. ఇలా గత 12 యేళ్లు గా చేస్తున్నారట! మరి అవి యెన్ని క్వింటాళ్లు అవుతాయో. 

అలాగే, తూ గో జి నుంచి ఇంకో బ్యాచ్ వాళ్లు, ఇంకో కోటి గింజలు తెస్తారనుకుంటా.

ఇంతకీ ఈ సోకాల్డ్ తలంబ్రాలు యేమవుతాయి? తెలీదు. 

యెందుకంటే, నిజంగా కళ్యాణం లో పోసిన తలంబ్రాలలో రాష్ట్ర ప్రభుత్వం వారం పంపించే ముత్యాలు కలుపుతారు. (అయిపోయాక, ముత్యాలు జాగ్రత్తగా వేరు చేసి, బియ్యాన్ని చెత్తలో కలిపేస్తారనుకుంటా).

మరి ఇన్ని క్వింటాళ్ల బియ్యం తలంబ్రాల పేరుతో వృథా చెయ్యడం యెందుకు? 

పోనీ అవి తీసుకెళ్లిన సోకాల్డ్ భక్తులు వాటిని యేమి చేస్తారో యెవరైనా ఓ సర్వే చేశారా? 

మహా అయితే, కొంతమంది పొట్లం పళంగా దేవుడి గూటిలో పెడతారు కొన్నాళ్లు. ఇంకొంతమంది యేదో ఒక గూట్లో పెడతారు. చాలా మంది దారిలోనే పడేస్తారు!

అలాంటి వాటికోసం కొన్ని కుటుంబాలకి కొన్నాళ్లకి సరిపోయే ఆహార ధాన్యాలని ఇలా వృథా చేయడం యెంతవరకు సమర్థనీయం?

ఆలోచించండి.

అందరికీ రాబోయే శ్రీరామనవమి శుభాకాంక్షలు.

ఓటు హక్కూ...........

.............సామాన్యుడూ

ఉదయాన్నే, కలో గంజో తాగి, కొంప బయటికి చేరాడు "సామాన్యుడు." (7 AM)

వీధి చివరనుంచి మైకులో కేకలు. "...............మన ప్రియతమ నాయకుడూ, ఫలానా పార్టీ తరుఫున ఫలానా పదవి కోసం పోటీ చేస్తున్నవాడూ, మన వాడూ, మంచి వాడూ, పిలిస్తే పలికేవాడూ, పిలవకపోయినా వచ్చి మిమ్మల్ని ఆశీర్వదించేవాడూ, అవసరమైతే ఓదార్చేవాడూ.......వస్తున్నాడు మీ దగ్గరకే......." అంటూ. (యెండలు ముదిరాయికదా.....భోజనం టైము లోపల ఓ పాతిక ఇళ్లు తిరగ్గలిగినా........)

రానే వచ్చాడు అధికార మదాంధుడైన ఓ అభ్యర్థి. "నమస్తే అన్నా! నువ్వెప్పుడూ మన పార్టీకే ఓటు వేస్తావని తెలుసు. అయినా అడగడం నా బాధ్యత. ఈ సారి కూడా........" అంటూంటే

"నాకు ఆథార్ కార్డు రాలేదు........గ్యాస్ బండ తెచ్చుకోలేకపోతున్నాను. నాకేం బాధలేదు. మళ్లీ కట్టెలపోయ్యే దిక్కు. రేషన్‌ రావడం లేదు. పింఛన్‌ రాలేదు. ఆథార్ రద్దు చేసి, కుంభకోణాన్ని ప్రకటించి రా........అప్పుడు చూస్తాను ఓటు సంగతి....."

కత్తివాటుకి నెత్తురు చుక్క లేకుండా పోయిన ముఖంతో, "సరి, సర్లే, నీ ఓటు మాత్రం నాకే" అంటూ ఆ ఆభ్యర్థి నిష్క్రమణ, మందీ, మార్బలంతో.

హమ్మయ్య అనుకొని, తన పని మొదలుపెడుతుంటే, 

(ఇక్కణ్ణుంచీ రాబోయే అండర్ లైన్‌ చేసిన పొట్టి వాక్యాల బదులు, పైన వున్న అండర్ లైన్‌ చేయబడ్డ రెండు వాక్యాలనీ చదువుకోండి.)

పావు గంటలోనే మళ్లీ మైకులో కేకలు. రానే వచ్చాడు ప్రథాన ప్రతిపక్ష పార్టీ అభ్యర్థి. (7.20 A.M)

"నీ రెండుకళ్లూ విడిపోయేలా బుర్ర బద్దలు కొట్టేయచ్చని లేఖ ఇచ్చావు కదా? ఇప్పుడు బుర్ర నిలువుగా పగిలి, రెండు కళ్లూ తో సహా బుర్రంతా విడిపోయి చాలా అసహ్యంగా వున్నావు. అదేమైనా ఆతికించుకోగలిగితే, అప్పుడు కనిపించు........."

కత్తివాటు............(మామూలే)

మళ్లీ తనపని.......(మామూలే) (8 A.M)

ఈసారి యువనేత తాలూకు అభ్యర్థి.........."బాబూ......మీ నాయకుడికీ, మీకూ బాగా కొవ్వెక్కిందటగా.........(వాడు తిని పారేసిన తిండే మీరూ తింటున్నారుగా) మా కొండకెళ్లిన ప్రతీసారీ చెప్పులతో వెళ్లి, వాడికే జై కొట్టించుకుంటున్నాడుటగా? బుధ్ధి ఒచ్చేవరకూ యే యెన్నికల్లోనూ పోటీ చెయ్యద్దు.........."

క.వా....మ.త.ప (మామూలే) (8.30 A.M)

"ఇది మీ సత్తా, మీ సత్తాయే మా సత్తా" అంటూ వచ్చాడింకోడు. "ఓట్లు సంపాదించిన పార్టీలన్నింటికీ, అదే లెక్కన పదవులు కట్టబెట్టాలంటాడు కదా మీ నాయకుడు? నీకు నెగ్గే అవకాశం యేమాత్రం లేదని తేలిపోయినప్పుడన్నా, మీకు వేస్తారనుకున్న ఓటర్లని, ఒద్దు....గెలిచే లేదా మనకి నచ్చే పార్టీకి వెయ్యండి, అని యెందుకు చెప్పరూ.........ఓట్లు చీల్చడమే మీ ధ్యేయమా?"

క.వా...మ.త.ప. (మా) (9.30 A.M)

చీపురు పట్టుకొని వచ్చాడొకడు........పైవాడికి చెప్పినట్టే సమాధానం....క.వా..మ.త.ప. మా. (10 A.M)

"యెర్రజెండెర్రజెండెర్రజెండెన్నీయల్లో.......సుత్తీ, కొడవలీ, నక్షత్రం......" అంటూ వచ్చాడొకడు. "చారిత్రక తప్పిదాన్ని సరిచేసుకొని, ప్రథాని పదవి కోసం నానా గడ్డీ కరిచినోళ్లనీ, నానా  కులాలోళ్ళనీ నాకినోళ్లనీ, నానా విగ్రహాలూ పెట్టించుకొని, కోట్లు మింగినోళ్లతోనీ కలిసి.....ఫోఫో" క వా మ త ప మా (11.30 A.M.)

నిత్య సంతోషి (గ్రహణం మొర్రో యేమో--"మా కార్యకర్తలని పోలీసులు చితగ్గొట్టేశారు" అంటూ చెప్పినా నవ్వుతూనే కనబడే) రాష్ట్ర నాయకుడి పార్టీ అభ్యర్థి.........."మీ పార్టీ కూడా అదేదో మూడో దాంట్లో జేరుతుందటగదా? ఇంకెందుకు మీకు ఓట్లు? అడవిగాచిన వెన్నెల అయిపోతుంది. ఓట్లు చీల్చి, వాడెవణ్ణో నెగ్గేలా చేసి, వోటర్ల అభిమతాన్నే వమ్ము చేసేస్తున్నారుగదా......దానికన్నా మూసుకు కూచోరాదూ!" కవామతపమా (1 P.M.)

"హారీళ్లమ్మా కడుపులు చల్లగుండా.......యాలగంజేలయిపోయింది......దగ్గరున్న టిఫిన్‌ సెంటర్లో......మూడు బజ్జీలో, రెండు బోండాలో (అక్కడాటైములో అవే దొరుకుతాయి మరి) తిని ఒచ్చేత్తే, ఓ కునుకేసి, మళ్లీ........" అని బయలుదేరాడు "సామాన్యుడు."

ఆ పని చేస్తూండగా (కునుకేస్తూండగా) మళ్లీ.........'నా పార్టీయే నాకూ, నా రాష్ట్రానికీ ద్రోహం......' అంటూ ఇంకొకడు. "సీ డబ్ల్యూ సీ నిర్ణయం రాగానే, 'విభజన అనివార్యమైతే.......' అన్న నాటకుడితోసహా అందరూ రాజీనామాలు ఇస్తే, ఈ దరిద్రం వుండేదికాదుకదా?"

కవామత............(3-00 P.M.)

"ఓ పార్టీవోడు నన్ను బహిష్కరించాడన్నా, ఇంకోడితో నేను జేరనన్నాను, ఇంకోడు యెంత పెటుబడి పెడతావన్నాడు......ఇలా ఎందుకని మీలాంటోళ్ల మద్దతుతో సొతంత్రంగా నిలబడ్డానన్నా......."

"బాగుంది గానీ, నెగ్గాక యెవరితోనూ కలవను అని ఒట్టేస్తేనే......."

కవామత.........(3.30 P.M)

"నేనొచ్చా....ఒచ్చేశా.....ఆ.......ఆ......ఆ.....అసెంబ్లీ ఇంటికి దారేది అని వెతుక్కోవలసిన పనేలేదునాకు .

3 నిమిషాల్లో దేన్నైనా ఖాళీ చేయించే గలను. అయినా, మీ ఓటు నాకేస్తే మీకు మంచిది............" 

"ఫోరా బాబూ ఫో......మీ అన్న అంతజేశాడూ........" కవామత..........(4.30 P.M)

(మధ్య మధ్య ఇతరులూ, మున్‌సిపాలిటీ అభ్యర్థులూ వస్తూనే ఉన్నారు)

చివరికి "దా అన్నా....చా తాగుతూ మాట్లాడుకుందాం. మా నాయకుడు చిన్నప్పుడు చా అమ్మాడులే........"

"బాబూ........ఓటొచ్చినప్పణ్నించీ ప్రతీ యెలక్షన్‌ లోనూ ఓటేస్తూనే వున్నా......ఇప్పుడు మాత్రం ఓటరు లిస్టులో నా పేరు లేదుట. ఇప్పటివరకూ యెవడూ పట్టించుకున్న పాపాన పోలేదు. ముందాపని చూసి రా......" (6-30 P.M.)

"హూ! ఇయాల్టికింకేం పని." అనుకుంటూ సెంటరు చేరేసరికి, "దా అన్నా.....ఇలాంటి రోజుల్లోనే కాస్త మందేసుకోవాలి........" అంటూ ఓ పార్టీ కార్యకర్త.

ఛీ అంటూ తిరిగి వెళ్తూ, "అందరు ఓటర్లూ నాలాగే వుంటే యెంతబాగుండును. నాకు ఓటున్నా, ఈసారి నోటా కే యేద్దును......."

ఇంకా యేమేమిటో సణుక్కుంటూ సాగాడు సామాన్యుడు.

శ్రీగిరి శ్రీపతి--తి తి దే........

............అన్యమతస్తులూ 

మొన్ననే వేరే చోట తి తి దే గురించి సణగడానికి యేమీ లేదు అని వ్రాశానో లేదో, అవకాశం రప్పించాడు జగన్‌.

తన అనుచరులు 300 మందితో శ్రీగిరి శ్రీవారి ఆలయం చేరుకొని, చెప్పులతోనే వైకుంఠం వైపు వెళ్లబోతుంటే, అనేక మంది గట్టిగా అరవడంతో, ప్రక్కన విప్పి వెళ్లాడట. ఆలయ ప్రవేశానికి ఇవ్వ వలసిన డిక్లరేషన్‌ కూడా ఇవ్వలేదట. ఇదివరకోసారి అలా ఇవ్వకుండా వెళ్లి, తన అనుచరులనుంచే విమర్శలు యెదుర్కొన్నాడు. అయినా బుధ్ధి రాలేదు. రాకపోవడం కాదు. అహంకారం! హిందూ మనోభావాలపై యే విధమైన గౌరవం లేకపోవడం!

ఇంతకు ముందు, వాళ్ల బాబు అక్కడ యేడు కొండలు ఎక్కడున్నాయి? వున్నవి రెండే కదా! అని కొక్కిరించి, ఆ కొండలన్నీ లెఖ్ఖపెడుతూనే కూలిపోయాడు. అయినా వీడికి బుద్ధి రావడం లేదు. 

దేవస్థానం వారు ఆ మూకకి ఎల్-1 కేటగిరీ క్రింద ప్రత్యేక పాస్ లు జారీ చేసి మరీ ప్రత్యేక మర్యాదలతో దర్శనం చేయించారట. అందుకోసం రెండు గంటలకి పైగా క్యూలైన్లు ఆపేసి, వీఐపీ దర్శనాలు కూడా ఆపేసి, అందరినీ ఇబ్బంది పెట్టారట. అంతేకాదు, వాడి కోసం ఓ ఇరవై నిమిషాల ముందే, నైవేద్యం గంట మోగించి, శ్రీవార్ని కూడా ఇబ్బంది పెట్టారట. రంగనాయకుల మంటపం లో వేదాశీర్వచనం కూడా పలికారట--వాళ్లకి యెంత సిగ్గులేదో!

అనంతరం, జేఈవో శ్రీనివాసరాజు స్వయంగా వాణ్ని సత్కరించి, శ్రీవారి తీర్థ ప్రసాదాలని అందజేశారట. ప్రథాన అర్చకుడు రమణ దీక్షితులతో కలిసి, పడికావలి దగ్గర నిల్చొని, వాళ్ల దర్శనాలని పర్యవేక్షించారట. వాడు బసచేసిన ఆదిత్య బిర్లా విశ్రాంతి సముదాయం లో వందలాది మందికి, భోజన, అల్పాహార విందు యేర్పాటు చేశారట. 

వాడికి బుధ్ధిలేకపోతే పోయింది, కూడా వెళ్లిన రెడ్లందరూ కిరస్తానీలు కాదు కదా....వాళ్లయినా చెప్పరా? నటి రోజా కూడా వుందట కూడా. వీళ్లకీ హిందువులంటేనూ, వాళ్ల దేవుళ్లంటేనూ లెఖ్ఖ లేదా?

వెంటనే ఆ జేఈవోనీ, ప్రథానార్చకుణ్నీ ఇంటికి పంపించాలనీ, ఇంకా సహకరించిన సిబ్బంది అందరినీ శిక్షించాలి అనీ హిందూ సంఘాలవాళ్లు డిమాండ్ చెయ్యవలసిన సమయం ఆసన్నం అయింది.

దేశం లోని హిందువులందరూ, ముఖ్యంగా సోకాల్డ్ వేదపండితులూ, కాస్త వాక్శుధ్ధి వున్న వారందరూ, వాడినీ, వాడి అనుచరులనీ--ఇంకో యేడు జన్మలెత్తినా యే పదవీ లభించకుండా, జైళ్లలో మగ్గిపోయేలా శపించవలసిన సమయం ఆసన్నం అయింది.

శ్రీగిరి, శ్రీపతులూ, ఆ చుట్టుప్రక్కల హిందూ సంఘాలన్నీ వాడు మరోసారి కొండ యెక్కడానికి ప్రయత్నిస్తే కాళ్లు విరగ్గొడతామని ప్రకటించవలసిన సమయం ఆసన్నం అయింది.

మూర్ఖంగా ఆ ప్రయత్నం చేస్తే, మైకుల్లో ఆ విషయం ప్రచారం చేసి, అందరూ వాళ్లని అడ్డుకొనే ప్రయత్నం చేయవలసిన, ప్రభుత్వం వారు అవసరమైతే పోలీసు బలగాన్ని వుపయోగించి, కాల్పులు జరిపించైనా, వాణ్ని అడ్డుకోవలసిన సమయం ఆసన్నం అయింది.

ఓ ఏటీఎం దగ్గర సెల్ ఫోన్లో మాట్లాడుతూ లోపలికి వెళ్లబోయినవాడిని, అక్కడ వున్న గార్డు, అలా వెళ్తే మిషన్‌ పనిచెయ్యకపోడానికి ఆస్కారం వుంది అని చెప్పబోతే, నేను యెవరినో తెలుసా? జగన్‌.......అన్నాడంటే, వాళ్లలో కొవ్వు యెంతగా పేరుకుపోయిందో తెలియడం లేదూ?

రేపు రాబోయే యెన్నికల్లో వాడూ, ఆపార్టీ వాళ్లూ ఓటడగడానికి వస్తే, ముఖమ్మీదే వాళ్లని నిలదియ్యవలసిన సమయం ఆసన్నం అయింది......

హిందూ ప్రజలారా! మేలుకోండి!

ఆత్మలూ.....--3

.............సాక్షాత్కారం

యెలా? అంటే..............

మనం (అంటే నేను అనబడే ఆత్మ) పైన కొంచెం యెత్తులో వుండి, మన (అంటే నేను  అనుకునే) శరీరాన్ని చూసుకోగలుగుతాం! అది కొంత యెత్తు అంటే ఓ పది అడుగులు కావచ్చు, సాధన పెరిగే కొద్దీ 100 అడుగులు కావచ్చు. కాసేపు అంటే కొన్ని క్షణాలు కావచ్చు, అరగంటైనా కావచ్చు, మామూలు వెలుగు మన శరీరాన్ని సోకడం వరకూ కావచ్చు. 

అదే ఆత్మ సాక్షాత్కారం. అంటే మనని మనం చూసుకోవడం. అంతే. యెవరు చెప్పినా, 'నీలో వున్న నిన్ను చూసుకో' అనే చెప్పారు. దాన్ని చాలామంది అపార్థం చేసుకొన్నారు, కొంతమంది విపరీతార్థాలు తీశారు. 

ఒకటి మాత్రం స్పష్టం--శరీరధారులై వుండగా, మన ఆత్మ మన శరీరాన్ని చూడగలదు కానీ, మనం అనబడే శరీరం ఆత్మని చూడలేదు! దాన్ని ఆత్మ సాక్షాత్కారం అని యెలా అనగలం?

సంక్రాంతి పండగకి మా జిల్లాల్లో సిరిబొమ్మ అని--నేలలో ఓ స్థంభం పాతి, దాని మీద అడ్డంగా ఇంకో పెద్ద స్థంభాన్ని యేర్పాటు చేసి, అడ్డంగా పెట్టిన స్థంభాన్ని యేటవాలుగా పైకి లేచేలా చేసి, క్రింది భాగాన్ని పాతిన స్థంభానికి తాళ్లతో కట్టేస్తారు. యేటవాలుగా వున్న స్థంభం చివర కత్తి పట్టుకొని, పెద్ద మీసాలతో, తలపాగా, పంచె చొక్కా తో వున్న వీరుడు బొమ్మని తగిలిస్తారు. యేటవాలు దూలాన్ని క్రింద వైపు పట్టుకొని, పాతిన స్థంభం చుట్టూ తిరిగితే, పైనున్న వీరుడు మరింత పెద్ద వృత్తాకారం లో పైన తిరుగుతూ వుంటాడు. 

విజయనగరం లో పైడితల్లి జాతరకైతే, పై స్థంభం చివర ఓ కుర్చీ యేర్పాటు చేసి, పూజారిని అందులో కూర్చోబెట్టి తిప్పుతారు. దాదాపు 40 అడుగుల యెత్తున అతన్ని (నిద్రాహారాలు లేకుండా అంటారు) త్రిప్పుతారు.

ఈ శతాబ్దం మొదట్లో నేను కర్నూలు, అనంతపురం జిల్లాల్లో పనిచేస్తూ వున్నప్పుడు, జాతరల్లో మనుషులని, కొన్ని చోట్ల ఆడవాళ్లని కూడా, వీపుకి ఇనుప కొక్కాలు త్రాళ్లతో బిగించి, ఆ త్రాళ్లని పై స్థంభానికి కట్టి--దశావతారం సినిమాలో కమల్ హాసన్‌ లా--తిప్పేవారు. పేపర్లలో ఫోటోలు కూడా వచ్చేవి. తరవాత్తరవాత పోలీసులు గట్టి చర్యలు తీసుకొని, మనుష్యులని వ్రేలాడదీయడం మానేశారు. దాన్ని వాళ్లు 'షిడి' లేదా 'సిడి' అనేవారు. 

యెందుకు వ్రాశానంటే, భూమిలో పాతిన స్థంభం మన శరీరం అనుకుంటే, పైన తిరుగుతున్న వీరుడు మాన ఆత్మ అన్నమాట. 

మరి సిడి యేది?

మన బట్టలు కుట్టే దరాన్ని వ్యతిరేక దిశలో తిప్పి, పురి వదిలించేస్తే, రెండు మూడు పలుచని దారాలుగా విడిపోతుంది. పేనినప్పుడు గట్టిగా వుండే దారం, పురి విప్పేస్తే, ముట్టుకుంటే తెగిపోయేలా వుంటాయి ఆ దారాలు. వూలు దారాలని గమనిస్తే యెలా వుంటాయో అలా వుంటాయి అవి. 

మన ఆత్మ కీ శరీరానికీ మధ్య అలాంటి దారాలు, కనిపించీ కనిపించకుండా బంధాన్ని యేర్పరుస్తూ వుంటాయి. ఆ బంధం వున్నంతకాలం మనం జీవించి వున్నట్టే. సాధనలో యెప్పుడైనా ఆ బంధాన్ని వదిలించుకొని, దూరం గా వెళ్లాలని ఆత్మ ప్రయత్నిస్తే, వెంటనే మెలుకువ వచ్చేస్తుంది. కాబట్టి మనం భయపడఖ్ఖ్రర్లేదు. 

సాధన పెరిగే కొద్దీ, ఆ వృత్తం వ్యాసం పెరిగి పరిధి విస్తృతం అవుతూ వుంటుంది కానీ, అలా ఒకవైపు ఓ నాలుగడుగులు యెక్కువ దూరం ఆత్మని తీసుకెళదాం అనుకున్నా, సాధ్యం కాదు. కాబట్టి, ఆత్మ తలుచుకుంటే యెక్కడికైనా వెళ్లిపోగలదు అనేది ఓ అపోహ మాత్రమే!

(ఇంకొంత మరోసారి)