ప్రజల సొమ్ము

'ఫలభా' యంత్రం

'ఫలభా' యంత్రం పేరెప్పుడైనా విన్నారా?

ఒక గుండ్రని వృత్తం గీసి, అందులో కేంద్రం గుండా వ్యాసం పొడవునా ఒక చిన్న గోడ కడతారు. ఆ గోడ కట్టిన దిశా, యెత్తూ బట్టి సూర్య కాంతి వల్ల నీడ పడే విధానం వల్ల 'టైం' తెలుస్తుంది.

దీన్నే 'సన్ డయల్ ' అంటారు.

దీని ఖరీదు--మనం ఖర్చు పెట్టినంత.

దీన్ని ఇసుకా సిమెంటుతో కట్టచ్చు, రాయితో కట్టచ్చు, గ్రానైట్ తోనూ, పాల రాయితోనూ కూడా కట్టచ్చు, బంగారంతోనూ, వజ్రాలతోనూ కూడా కట్టచ్చు.

రాజుల సొమ్ము రాళ్ళపాలు అన్న సామెత యెలాగూ వుంది--ఇప్పుడు దేవుడి సొమ్ము కూడా రాళ్ళూ, అవి కట్టించేవాళ్ళ పాలు అవుతున్నాయి!

ఇలాంటి ఫలభా యంత్రమొకటి మన అన్నవరం కొండమీద గుడి దగ్గర వుంది. నిర్మించి చాలా యేళ్ళయ్యింది. మీరు గమనించి వుండరులెండి. 

నిజానికి అక్కడికి వచ్చే భక్తులెవరూ సాధారణం గా గమనించరు--యెవరో పరిసరాలన్నీ ఇంటరెస్ట్ గా పరిశీలించేవాళ్ళు తప్ప.

ఇప్పుడు అలాంటి ఫలభా యంత్రాన్నే, ఓ పది లక్షల ఖర్చుతో, గ్రానైట్ రాయితో, మన ద్వారకా తిరుమల కొండమీద నిర్మించారట.

అదీ సంగతి.

వూరేగింపులు

వాయిద్యాలు

మా చిన్నప్పుడు, పర్వదినాల్లో దేవుడిని వూరేగించేవారు (ఇప్పుడూ కొన్ని వూళ్ళలో వూరేగిస్తున్నారు).

దేవుడి పల్లకీ ఇంకా చాలా దూరం లో వుండగానే, బాజాలు వినిపించి, 'దేవుడొస్తున్నాడు ' అంటూ పళ్ళెం లో బియ్యం, అగరువత్తులూ, దీపం కుందీ, నైవేద్యానికి ఓ బెల్లం ముక్కా, ఓ అరటి పండూ, ఓ పదిపైసలు దక్షిణా వేసి సిధ్ధం చేశేవాళ్ళం.

వాయిద్యాల్లో ముఖ్యమైనవి--పెద్ద డోలు--'ఢుం ఢుం ఢుం' అంటూ మార్చింగ్ పేస్ సెట్ చేసేది. 'కాహళి ' అని పొడవాటి ఇత్తడి బూరా--'తూ....తురు తురు తూ....' అంటూ దేవుడి రాకని హెచ్చరించేది. ఇక చిన్న డోళ్ళూ, సన్నాయి, స్వరం, మద్దెలలతో పాటు, చేతి హార్మణీ, డప్పులూ, 'డువుడు ' అని--'డువుడు డువుడు.....డుడ్డువుడు డువుడు ' అని ఓ వింత శబ్దం చేసేది, మా కుమ్మరి గెద్దయ్య వాయిస్తుంటే!

అమ్మవారి గరగలకి వేరే వాయిద్యాలు వాయించేవారు.

ఇక శవయాత్రలకి వాయించే వాయిద్యాలు వేరు.

ఇలా ఆ వాయిద్యాలని బట్టి యేమి వూరేగింపో తెలిసేది.

ఇప్పుడవన్నీ యెక్కడ?

నైవేద్యాలు

మహబూబ్ నగర్ జిల్లా పెబ్బేర్ దగ్గర చింతలకుంట లో వ్యాస ప్రతిష్ట జరిగిన 'ఆంజనేయ స్వామి ' గుడిలో--చికెనూ, మటనూ నైవేద్యం పెడతారట!

మరి శ్రీశైలం లో తిన్నడు, ఒక చేతిలో మాంసం, ఇంకో చేతిలో పువ్వులూ పట్టుకొని, అభిషేకానికి నీటిని పుక్కిట్లో పట్టుకొని, శివుడిని సేవించుకొనేగా భక్త కన్నప్ప అయ్యాడు!

కొన్ని గుళ్ళలో కల్లూ, సారాయీ కూడా నైవేద్యం పెడతారు.

అందుకే--యెవరి భక్తి వారిది.

అమెరికాలోనూ అక్కడా, ఆవులకి మాంస వ్యర్థాలు పెట్టడం వల్లే అదేదో వ్యాధి వచ్చి, వేలాది పశువుల్ని చంపేశారు.

ఒక ఇంగ్లీష్ నవల్లో విలన్ పందుల్ని మాంసం అవీ పెట్టి, యేనుగుల్లా పెంచుతాడు--తన శతృవుల్ని వాటికి ఆహారం గా వేస్తూంటాడు.

పెంపుడు జంతువులకి--కుక్కలకీ, గొర్రెలూ మేకలకీ, పిల్లులకీ, చిలకలకీ కూడా మాంసం, విస్కీ బ్రాందీలూ మేపడం అదపాదడపా టీవీల్లో చూపిస్తున్నారు.

ఇవోరకం విపరీతాలు!

జాతీయ (వగైరా) గీతాలు!

జనగణమన

జాన్ ఎఫ్ కెన్నెడీ, అదేదో మీటింగులో సీరియస్ గా ఇతరులతో మాట్లాడుతూండగా, అకస్మాత్తుగా లేచి అటెన్షన్ లో నిలబడి కొంతసేపు వుండిపోయాడట--మిగిలినవాళ్ళు కూడా ఆయన్ని అనుసరించగా! తరవాత ఆ సమావేశాం మామూలుగా కొనసాగిందట!

దీనికి కారణమేమి అని ఆరా తీస్తే, పక్కనెక్కడో వున్న స్కూల్లో వాళ్ళ జాతీయ గీతాన్ని పాడారట పిల్లలు!

ఈ సంఘటనని మళ్ళీ మళ్ళీ మాకు మా స్కూలు అసెంబ్లీలో వినిపించేవారు--మా హెడ్మాష్టారు!

యెప్పుడైనా మా స్కూలు గ్రామఫోను రిపేరుకి వస్తే, మా 'డబల్ జీరో' మేష్టారు దాన్ని టెస్ట్ చెయ్యడానికి, పొరపాటున 'జనగణమన ' రికార్డు వేస్తుంటే, మా క్లాసుల్లో టీచర్లూ, విద్యార్థులూ అందరూ పాఠాలు మానేసి లేచి నిలబడి అటెన్షన్ లో నిలబడడం, మధ్యలో ఆ గీతం ఆగి పోగానే కూర్చోవడం, మళ్ళీ మొదలవగానే అటెన్షన్ లో నిలబడడం--ఈ మధ్యలో మా హెడ్మాష్టారు వెళ్ళి, 'అది తీసేసి వేరే రికార్దు పెట్టరా' అని ఆ మేష్టార్ని తిట్టడం--ఇవన్నీ మధుర స్మృతులు!

సినిమా హాళ్ళలో చిత్రం పూర్తవగానే జాతీయగీతం వేసేవారు--పరువు దక్కించుకోడానికి కోర్టులు వద్దనేదాకా!

శ్రీ గజేంద్ర గఢ్కర్ ప్రవేశ పెట్టిన 'ప్రతిఙ్ఞ ' ప్రతీ పాఠ్య పుస్తకం లో వుండేది, ప్రతీ స్కూల్లో అసెంబ్లీ లో ఖచ్చితం గా చదివేవారు--'భారతదేశము నా మాతృభూమి--భారతీయులందరూ నా సహోదరులు..........' ఇలా సాగేది ఆ 'ప్రార్థన '!

ఇవన్నీ 'ఇందిరమ్మ ' తన రాజ్యాంగ సవరణ ద్వారా 'మత ప్రసక్తిలేని లౌకిక రాజ్యాంగం' అనకుండా 'సర్వమత సమభావనగల రాజ్యంగం' అని యిరికించగానే, చంకనాకిపోయాయి! యెందుకో యెవరూ పట్టించుకోలేదు!

ఇప్పుడు మన దేశ భక్తి యెలా యేడుస్తోందంటే, దేశ భక్తి గీతాలంటూ పాడడం యెప్పుడో మానేశాం. ఇక రాష్ట్రగీతం అనదగ్గ 'మా తెలుగు తల్లికి ' పాడడం మానేశాం--పైగా, కే సీ ఆర్, 'యెవరికి తల్లి? యెక్కడి తెలుగు తల్లి?' అంటూ యేదేదో పేలాడు! (మళ్ళీ తెలంగాణా తల్లి అంటూ విగ్రహం చేయించాడు!--అది యెవడి తల్లో!)

మరి మన తెలుగువాళ్ళు వీడిని 'తెలుగు మాట్లాడితే నాలుక కోస్తాం!' అని యెందుకు హెచ్చరించలేదో తెలియదు. ప్రస్తుతం వాడు మాట్లాడే భాష యేమిటో మరి! (ఖచ్చితం గా పాకీ భాష కాదు!) (నేనెవర్నీ కులం పేరుతో దూషించడం లేదండోయ్!)

ఇక జాతీయ గీతాల విషయానికొస్తే, వందే మాతరం పాడకూడదని మన హోం మంత్రి సమక్షంలోనే ఫత్వా ఇచ్చేవాళ్ళున్న దేశం మనది.

ఇక మిగిలినది--జనగణమన.

అది వ్రాయబడ్డప్పుడు, పాడబడ్డప్పుడు వివాదాలకి అతీతం కాకపోయినా, ఇప్పుడు యే వివాదాలూ లేని గీతం ఇది.

మరిప్పుడు, దీన్ని కూడా భ్రష్టుపట్టించడానికి కంకణం కట్టుకున్నట్టున్నారు--మన రాజకీయులు!

మొన్న ఈ గీతం జయంతో యేదో జరిపించి, కాలేజి పిల్లల్ని యెండలో గ్రవుండులో నిలబెట్టి జాతీయగీతం పాడించారు--రాజకీయులు స్టేజి మీద నీడలో నిలబడి (వీళ్ళలో పురం'ధ 'రేశ్వరి కూడా వున్నారు!)!

టీవీల్లో లైవ్ లూ, రిపీట్ లూ, దుమ్మెత్తించారు!

కానీ, ఆ రాజకీయుల భంగిమల్ని గమనించారా?

ప్రపంచం లో యే రెండువాచీలూ ఒకే టైము చూపించవంటారు!  యేదైనా మిలటరీనో, గూఢచారి ఆపరేషన్ అయినా, అందరూ 'సింక్రనైజ్ అవర్ వాచెస్ ' అని ఒకేసారి, ఒకే టైము అందరూ--సెకెండ్లతో సహా పెట్టుకున్నా, యెక్కడో తేడాలు వస్తూ వుంటాయి! ఆపరేషన్ ఫెయిల్ అయిన కేసులు కూడా వున్నాయి!

అలా, ఆ స్టేజి మీద వున్న రాజకీయులు--ఒకడు చేతులు కట్టుకొనీ, ఒకడు చేతులు ముందు 'ప్రార్థనా స్థాన్ ' లో పెట్టుకొనీ, ఒకడు వెనకాల పెట్టుకొనీ, ఒకడు పొట్ట ముందు పెట్టి, తలెగరేస్తూనూ, కాళ్ళు జాచుకొని కొంతమందీ, కాళ్ళతో తాళం వేస్తూ కొంతమందీ, ఆడాళ్ళు మూతికి అరచెయ్యి అడ్డు పెట్టుకొనీ, మధ్యలో కొంగుని నిండుగా కప్పుకొంటూ--ఇలా రకరకాల భంగిమల్లో--"ఆ గీతాన్ని భ్రష్టు పట్టించడమే మా ధ్యేయం" అన్నట్టు నిలబడ్డారు!


బై ది వే, ఇలాంటి వాళ్ళకి 'సూ మోటో' గా, సుప్రీం కోర్టు, 'అదే భంగిమలో' ఓ రోజంతా నిలబడేలా శిక్ష వేస్తే యెంతబాగుంటుంది?

మీ దేశా భక్తి తగలెయ్యా! ఇలాంటి ప్రదర్శనలు వద్దురా రా(జకీయ)బందులారా!

దేశానికి మిగిలిన ఆ ఒక్క వారసత్వాన్నీ కనీసం మిగల్చండ్రా!

వార్తల

దమాకా

'............ఇప్పుడు మా కేటీవీ న్యూస్ దమాకా ఎట్ 9-00 పీ. ఎం. కి స్వాగతం! గుంటూరు నించి మా ప్రతినిధి అక్కడ కొంపలు అంటుకున్నాయో లేదో తెలియచేస్తామంటున్నారు...ఓవర్ టూ గుంటూరు!  


......ఆఁ! చెప్పండి! ఇప్పుడు అక్కడి పరిస్థితి యెలా వుంది? యేమైనా పురోగతి వుందా....పోలీసులు యేమంటున్నారు......భుజంగం?'  


భుజంగం విజువల్, రెండు క్షణాల 'స్ట్రేటజిక్' సైలెన్స్ తరవాత, '............అన్ని రకాల ప్రయత్నాలూ జరుగుతున్నాయి....అయితే....ఈ కిడ్నాప్ యేదైతే వుందో, దానికి కారణమైన కార్లు యెక్కడనించి బయల్దేరాయి, పోలీసులకి యెక్కడ దొరికాయి అనే విషయం మీదే గత రెండు రోజుల్నించీ దృష్టి కేంద్రీకరించారు...అయితే...ఇంతవరకూ వాళ్ళేమీ సమచారం మనకి అందించలేదు....అయితే, మనం తెలుసుకున్నది.....ఆ కార్లు విజయవాడలో బయల్దేరాయని, గుంటూరు కి ముందు మంగళగిరి దాటాక ఆ కార్లు వదిలిపెట్టి వెళ్ళిపోయారనీ చెప్పగలం...భద్రకాళి!....  


'.........సరే, సరే, అసలు పోలీసులు యెవర్నైనా అనుమానిస్తున్నారా? యెవర్నైనా అరెస్ట్ చేశారా? ఇంకా విశేషాలేమిటి.....భుజంగం?'  


మళ్ళీ ....విజువల్, సైలెన్స్ '.....ఇంతవరకూ ఈ కేసులో పోలీసులు అనుమానం తో కిడ్నాప్ అయిన అమ్మాయి తల్లిదండ్రుల్నీ, చుట్టుపక్కలవాళ్ళనీ, వాళ్ళ స్కూలు టీచర్లనీ ప్రశ్నించారు కానీ ఇంతవరకూ యెవర్నీ అరెస్ట్ చెయ్యలేదు...అయితే...కత్తిపోట్లు తిన్న డ్రైవర్ ని ప్రశ్నిద్దామనుకుంటుండగానే ఆయన వైకుంఠ యాత్రకి వెళ్ళిపోయాడు....కానీ...తాజాగా...దుండగుల్నించి తప్పించుకున్న ఆ అమ్మాయి అన్న హస్తమేమైనా వుందా అనే కోణం లో కూడా పరిశోధన ప్రారంభించారు పోలీసులు....భద్రకాళి!'  


'...సరే, సరే, ఈ పక్కన విజయవాడ నించి నాగభూషణం లైన్లో వున్నారు...చెప్పండీ...ఇలాంటి కిడ్నాప్ లు జరగకుండా యేమైనా ముందుజాగ్రత్త చర్యలూ, ప్రత్యామ్నాయ యేర్పాట్లూ చేశారా మన పోలీసులు............నాగా!'  


మళ్ళీ విజువల్, సైలెన్స్ '........అసలు 1929 నించీ చూసుకుంటే విజయవాడ గ్రామం లో, 1944 వరకూ ఒక్క కిడ్నాప్ కూడా జరిగిన దాఖలాల్లేవంటున్నారు మన ఎస్పీ భయంకర్....భద్ర....!'  


'ఇప్పుడో షాట్కమర్షియల్ బ్రేక్చూస్తూనేవుండండికేటీవీ!'  


పాడుతా తీయగాలో బాలు పక్కన కూర్చొన్న పెద్దాయనలాంటి ఒకాయన, '...వార్తలు చూడడం ముఖ్యమే కానీ.....ఇలాంటి వార్తలేమి చూస్తావురా....వీపీ! ఇంకచాలు...........నిద్దరో!' అని మందలించాడు ఆ బ్రేక్ లో!  


ఉలిక్కిపడి, టీవీ కట్టేసి........రుమూసుకుని 'నో'......!  


అదండీ సంగతి!

మన తెలుగు

పండగలు

బాగుంది కదూ!  


మన సంస్కృతీ సాంప్రదాయలకల్లా మూలం--ముగ్గులూ, గొబ్బెమ్మలూ, గంగిరెద్దులూ, హరిదాసులూ, భోగిమంటలూ, గాలిపటాలూ, కోడిపందాలూ--ఇవే(ట)!  


(పై అన్నిటికీ పురాణాల్లోనో, సైన్సుపరంగానో యేదో ఒక కారణం చెప్పగలుగుతున్నారు అందరూ--ఒక్క గాలిపటాలకి తప్ప! మరి బలరామ కృష్ణులూ, కౌరవ పాండవులూ, రామ లక్ష్మణ భరత శతృఘ్నులు కూడా గాలిపటాలు యెగరేశారు అని యెక్కడా దాఖలాలు లేవు! బాల చంద్రుడుకూడా బొంగరాల ఆట ఆడాడుగానీ, పతంగులు యెగరెయ్యలేదు! యెందుకో?)  


పల్లెల్లో--పాపం రైతులు తమ రబీ పంటకి నీళ్ళందక, సగంచేను యెండిపోతుంటే, యే మురిక్కాలవకి అడ్డుకట్టకట్టి నీళ్ళు పెట్టుకుందామా అని వాటికి శ్రమిస్తూనే వున్నారు!  


రేషను కొట్లముందూ, గ్యాస్ కంపెనీలముందూ పెద్ద పెద్ద క్యూలు కనిపిస్తూనే వున్నాయి! యెక్కడా ముగ్గులూ, గొబ్బిళ్ళూ మొదలైనవి కనపడటం లేదు!  


మామూలు రోజుకీ, పండగ రోజుకీ--యే ఒకళ్ళిద్దరు బలిసినవాళ్ళకో తప్ప--తేడా యేమీ తెలియడం లేదు!  


మరి, పెద్ద పల్లెటూళ్ళలో--కోడి పందాలూ, పక్కనే చీకులూ, బెల్టు దుకాణాలూ బాగానే దర్శనం ఇస్తున్నాయి--పోలీసులకి అధికారులచేత 'చూసీ చూడనట్టు ' పొండి--అని అదేశాలు ఇప్పించి, యధేచ్చగా పోటీలు పడుతున్న ఒకళ్ళో ఇద్దరో నాయకులతోపాటు అనేక మంది చోటా మోటా రాజకీయులూ, వాళ్ళ అనుచరులతోపాటు!  


పట్టణాల్లో, ముగ్గుల పోటీలూ, గొబ్బెమ్మల పోటీలూ, పతంగుల పోటీలూ, వంటల పోటీలూ, భక్తిపాటల, డాన్సుల పోటీలూ, టీవీల్లో రకరకాల 'షో'లని చూసి, అనుకరణలూ--ఇవీ జరుగుతున్నవి!  


నగరాల్లో అయితే, పూర్తిగా రాజకీయులు--తెలంగాణా హరిదాసుల్నీ, సర్కారు గంగిరెద్దుల్నీ, నిరసన డాన్సులూ అవీ--ఇవీ దృశ్యాలు!  


సెక్రటేరియట్ లో తక్కువక్లాసు వుద్యోగినులకి ముగ్గుల పోటీలు నిర్వహించారు!  


ఇక మన సాఫ్ట్ వేర్ కంపెనీలు కూడా యేమీ తక్కువ తినలేదు! శాయ శక్తులా ప్రత్నిస్తున్నాయి--మన సంస్కృతీ సాంప్రదాయాల్ని కాపాడటానికి!  


వచ్చే యేడాది అవి తమ కార్యాలయాల్ని ఆవుపేడతో అలికించి, ముగ్గులు పెట్టించి, గొబ్బెళ్ళు తట్టించి, పొంగళ్ళు పెట్టించి, ఆటపాటల్తో కార్యాలయాల్లోనే గడపమంటాయేమో తమ వుద్యోగుల్ని!  


(అలా అన్ని కార్యాలయాలూ చేస్తే, ఈ రైళ్ళలోనూ, బస్సులలోనూ రద్దీ తగ్గి, టిక్కెట్ చార్జీ దోపిడీలూ ఇవీ వుండకపోను!)  


ఇక వార్తల్లో, '.............ప్రజలందరూ సాంప్రదాయ బధ్ధం గా...........వగైరాలతో.........విశేష పూజలతో...........సాంస్కృత కార్యక్రమాలతో.......ఆనందం గా జరుపుకొన్నారు! ...........నాయకులు.........కూడా అందోత్సాహాలతో..........జరిపించారు!' ఇవీ 'స్టాండర్డ్' వాక్యాలు--ప్రతీ పండగకీ!  


ఇక యాంకర్లు మూడు రోజుల ముందునుంచీ, నాలుగురోజుల తరవాతదాకా, 'మీకు మా...........శుభాకాంక్షలు!' అంటారు ప్రతీ కార్యక్రమంలోనూ!  


తెలుగు సాంప్రదాయవాదులూ--మీకు జోహార్లు!

పోరాటం

ఒంటిచేత్తో!

చీకటిని తిట్టుకొంటూ కూర్చోవడం కన్నా యెంతచిన్నదైనా ఓ దీపాన్ని వెలిగించడం మంచిది అని నమ్మేవాణ్ణి!  


ఇక, అగ్గిపుల్ల గీసేవాళ్ళు చాలామంది వుంటారు--కానీ, దీపం కొడిగట్టకుండా అప్పుడప్పుడూ కాస్త చముఱు పోసేవాళ్ళూ, వత్తి పూర్తిగా కాలిపోతుంటే మరో వత్తి పేని దీపం కుంది లో వుంచేవాళ్ళూ కావాలి!  


మీరు అందులో ఒకరవుతారని ఆశించవచ్చా?

మొరాయించిన డెస్క్ టాప్

'కుప్పకూలింది'  

20-12-2009 న నా తెలుగురాడికల్ లో టపా పబ్లిష్ చేశాక, టీవీలో వార్తలు చూస్తూ, సరదాగా 'సోలిటైర్' ఆడుతుండగా, హఠాత్తుగా నా సిస్టం (డెస్క్ టాప్) పూర్తిగా 'క్రాష్' అయిపోయింది!  

యెంత ప్రయత్నించినా మళ్ళీ బూట్ అవలేదు! ఇంకేం చెయ్యను!  

నేనుకూడా నిన్ననే వెళ్ళి (మార్గదర్శిలో చేరకుండానే) ఓ లాప్ టాప్ కొనుక్కున్నాను! మళ్ళీ ఆంతర్యాల లోకం లోకి జృంభిస్తున్నాను.  

ఇన్నాళ్ళూ నేను వ్రాయడం లేదేమిటి--అని ఆలోచిస్తున్న వాళ్ళకీ, హమ్మయ్య--పీడ విరగడయ్యింది--వ్రాయడం మానేశాడు--అని సంతోషించిన వాళ్ళెవరైనా వుంటే వాళ్ళకీ--నా క్షమాపణలు!